Frank Edvard Sve (FrP): Kan statsråden forklare korleis regjeringa inkluderar og tar med viktige næringar slik som fiskeri, havbruk, og andre viktige næringar som er avhengig av våre kyst og havområder, inn i regjeringa sine planar for etablering av mulig havvind?
Grunngiving
Det er mykje diskusjon for tida ikring havvind og etablering av dette, utan at konsekvensane ikring dette og kva havvind kan medføre negativt for både miljøet og ikkje minst overfor andre viktige næringar.
Fiskerinæringa har med rette ytra skepsis til etablering av havvind i våre kyst og havområder, og er redde for at dette kan bli etablert utan at "det blå spisskammerset" blir lagt stor nok vekt på og hensyntatt.
På landjorda er potensialet til matproduksjon rimelig godt utnytta og ein kan ikkje forvente stor vekst innan landbasert matproduksjon. Derimot i havet er berre ca 20 % av potensialet for matproduksjon utnytta. Havet er på mange måtar verdas matfat i framtida. Fiskeri- og havbruksnæringa er av Norges viktigaste næringar og står for ein svært stor del av norsk eksport og har tusenvis av arbeidsplassar. Derfor er det lite lurt å bygge ned disse ressursane på nokon som helst måte, og skape konfliktar. Etablering av havvind må grundig utgreiast, der alle berørte partar må takast reelt grundig med i prosessane ikring dette.