Interpellasjon fra representanten Hadia Tajik til justis- og beredskapsministeren:
«Viser til interpellasjon av 16. oktober 2014, om haldningar, leiarskap og kultur i politiet, Politidirektoratet og Justis- og beredskapsdepartementet. Viser samstundes til at eg då melde at eg vil gjenta interpellasjonen med eitt års mellomrom. Det gjer eg no. Eg vil invitera statsråden til å gjera greie for kva sjølvstendige initiativ han har teke det siste året for å arbeida med haldningar, leiarskap og kultur. Særleg ynskjer eg å høyra justis- og beredskapsministeren gjera greie for korleis han bidreg til ein kultur for openheit kring kritikkverdige episodar. Eg avgrensar her mot varsling, som krev ei særskilt handsaming.
Korleis bidreg statsråden til å gjera varsling minst mogleg naudsynt, ved mellom anna å gjera det enklare å seia frå før problemet vert for stort?»