Komiteen, medlemene frå Arbeidarpartiet,
Jette F. Christensen, Gunvor Eldegard og leiaren Martin Kolberg,
frå Høgre, Erik Skutle og Michael Tetzschner, frå Framstegspartiet,
Tom E. B. Holthe og Helge Thorheim, frå Kristeleg Folkeparti, Hans
Fredrik Grøvan, frå Senterpartiet, Per Olaf Lundteigen, frå Venstre,
Abid Q. Raja, frå Sosialistisk Venstreparti, Bård Vegar Solhjell, og
frå Miljøpartiet Dei Grøne, Rasmus Hansson, viser til at
målet med undersøkinga er å vurdere såkornfondas resultat og Nærings- og
fiskeridepartementets og Innovasjon Norges oppfølging opp mot Stortingets
vedtak og føresetnadar.
Riksrevisjonen har særleg sett på fondas bidrag til
nye levedyktige vekstbedrifter, om avkastinga i såkornfonda er tilstrekkeleg
til at staten får tilbakebetalt sin kapital, og om departementet
og Innovasjon Norges oppfølging sikrar gode resultat.
Riksrevisjonen har undersøkt Bølgje 1 og Bølgje 2.
Bølgje 3 er ikkje undersøkt, då fonda nyleg er oppretta.
Komiteen merkar seg at Riksrevisjonens
hovudfunn seier at:
I perioden 1998–2014
har ingen store vekstbedrifter vokse fram frå såkornfasen
Høg risiko for at fleire av såkornfonda
i bølgje 2 ikkje kan betale tilbake lån og renter til staten
Innovasjon Norge følgjer opp såkornfonda
for lite systematisk
Nærings- og fiskeridepartementet har ikkje
lagt godt nok til rette for læring og oppfølging av langsiktige
resultat av såkornordningane
Resultat av såkornfonda
| Ordning | Statleg
kapital | Tal på
investeringar | Finansielle resultat | Vekstbedrifter |
Bølgje 1 | 1998–2013 1 landsdekkande og 5 regionale såkornfond | 388 mill. | 173 | Store tap for både staten og private Minus
456 mill. kr for staten | Ca. 18 stk. med 10–49
tilsette |
Bølgje 2 | 2006–2021 4 landsdekkande såkornfond | 681 mill. | 67 | Høg risiko for at staten ikkje får tilbake lån og renter | Ca. 4 stk. med 10–19 tilsette blant selde investeringar. Fleire
potensielle vekstbedrifter som er eigd av fonda. |
Bølgje 2 | 2006–2023 5 distriktsretta såkornfond | 964 mill. | 72 | Høg risiko for at staten ikkje får tilbake lån og renter | Ca. 11 stk. med vekst i
verdiskaping 3 bedrifter med klar vekst etter sal |
Bølgje 3 | 2013- 2+2 landsdekkande fond | 800 mill. | 8 | Ikkje undersøkt da fonda er nyleg oppretta | Ikkje undersøkt da fonda er nyleg oppretta |
Komiteen merkar seg at det i
bølgje 1 er store tap for både staten og private og at staten taper 456
mill. kroner. I tillegg at det av 173 investeringar ikkje har vokse
fram meir enn ca. 18 vekstbedrifter med 10–49 tilsette.
Vidare merkar komiteen seg at
i bølgje 2 er det høg risiko for at staten ikkje får tilbake lån
og renter både på dei landsdekkande og distriktsdekkande såkornfonda.
Og at det er berre 4 stk. vekstbedrifter med 10–19 tilsette av 67
investeringar på landsdekkande fond, og ca. 11 stk. med vekst i
verdiskaping på dei distriktsretta fonda.
Komiteen merkar seg
at Riksrevisjonen finn at det er svakt grunnlag for læring og oppfølging
av langsiktige resultat av såkornordninga.
Komiteen merkar seg vidare at
det er omfattande rapportering frå Innovasjon Norge til Nærings-
og fiskeridepartementet, men at den løpande rapporteringa manglar
systematiske analyser.
Riksrevisjonen tilrår at:
Nærings- og fiskeridepartementet
bør følgja opp resultata i såkornfonda betre ved å:
definere kva
som kan reknast som gode resultat for såkornordninganes overordna
mål om å få fram nye vekstbedrifter og
sørgje for ei rapportering frå Innovasjon
Norge som betre kan få fram fondas løpande resultat og som kan brukast
til læring og forbetring.
Nærings- og fiskeridepartementet bør forsikra seg
om at Innovasjon Norge legg til rette for ei mindre sårbar og meir
systematisk oppfølging av såkornordningane.
Innovasjon Norge bør etablere meir systematikk i
oppfølging av såkornordningane gjennom å etablere plan for deling
av beste praksis, risikoanalyse av fondas situasjon, strategi for
korleis såkornbedrifter som Innovasjon Norge overtek frå avvikla
fond, vert handtert og retningslinjer for eigarstyring.
Komiteen er samd med
Riksrevisjonen.
Komiteen merkar seg
at statsråden i sitt svar til Riksrevisjonen seier at det er rom
for forbetringar av statens og Innovasjon Norges forvalting av ordninga,
og at Riksrevisjonen undersøking vil bidra til utvikling av såkornfonda.
Statsråden oppgjer at konkrete tiltak vil vurderast nærmare, og komiteen avventar
dette.