Ranveig Frøiland (A):
Eg skal få
stilla følgjande spørsmål til justisministeren:
Seksuelle overgrep mot mindreårige får
stor plass i massemedia. For barna det gjeld og deira næraste vert dette ei
ytterlegare påkjenning.
Vil justisministeren sjå til at « ver
varsam »-haldninga gjennomsyrer informasjon frå politiet si side, og eventuelt
vurdera retningsliner av omsyn til dei som blir ramma?
Statsråd Grete Faremo:
Generelt er det
etter mi meining naudsynt å betre vilkåra for kriminalitetsoffera.
Regjeringa vil foreslå sterkare vern og auka støtte til kriminalitetsoffera
i ein proposisjon som vil bli lagd fram med det første.
I dei seinare åra har talet på saker
som gjeld seksuelle overgrep, og som politiet har hatt til handsaming, auka.
Eg er glad for at media har sett søkjelyset på slike saker. Samfunnet har
krav på informasjon om kriminelle handlingar. Det gjeld òg straffesaker om
seksuelle overgrep mot mindreårige. Slike saker er likevel særs
kjenslevare, og dei som har vore utsette for overgrep, kan ofte oppleve
media sin omtale av saka som tyngjande og vond.
Eg er difor opptatt av at den
informasjonen som politiet gir til pressa i straffesaker, er avbalansert,
nøktern og korrekt. Politiet må vere spesielt varsame i sin omtale av saker
som gjeld seksuelle overgrep. Det er mellom anna viktig at det ikkje går
fram kven som har vore utsett for overgrepet. Politiet og påtalemakta må
heile tida vurdere informasjonsbehovet opp mot omsynet til personvern,
rettstryggleik og mogelege skadeverknader.
Vi har i dag reglar i påtaleinstruksen
som pålegg politiet og påtalemakta teieplikt om opplysningar som dei får i
straffesaker om personlege forhold. Seksuelle overgrep mot mindreårige
gjeld i høgste grad slike personlege forhold.
Fordi tiltalevedtaket i saker som
gjeld seksuelle overgrep, som oftast inneheld kjenslevare opplysningar, er
politiet og påtalemakta varsame med å gi pressa kopi av tiltalevedtaket.
Justisdepartementet og Riksadvokaten
har i to rundskriv frå 1981 gitt nærare retningsliner for korleis politiet
og påtalemakta skal opptre overfor pressa i straffesaker. Norsk
Presseforbunds « Vær varsom »-plakat er tatt inn som eit vedlegg til
retningslinene.
Det blir minna om desse retningslinene
ved ulike høve. Eg nemner òg at Politihøgskolen til våren vil halde eit
seminar om tilhøvet mellom politiet og media. Her vil også « ver
varsam »-haldningar i særleg kjenslevare saker bli tatt opp. Saka vil òg bli
sett på dagsordenen på politisjefmøtet til våren.
Det er viktig å ha eit ope og positivt
samarbeid med media. Vi må difor sikre ein god balansegang, der også den
som blir offer for overgrep, får det vernet som han eller ho har krav på og
behov for.
Ranveig Frøiland (A):
Eg skal få takka
for dette positive svaret, og eg er glad for at justisministeren vil gjera
framlegg om sterkare vern for kriminalitetsoffera.
Når det gjeld media si rolle ved
seksuelle overgrep hos barn, har det vore veldig ymse. Eg er sjølvsagt samd
i at det er viktig at media omtalar desse sakene, for dei skal ha offentleg
interesse, men slike ting skjer ofte i små lokalsamfunn der det ikkje skal
så veldig mykje til for å veta kven som er kven. Og å få lesa alle detaljar
om slike overgrep i avisene er ei ytterlegare påkjenning. Derfor synest eg
det er flott at ein heile tida er oppteken av dette med å vera varsam i
forhold til kva som skal ut i media, og eg håpar berre at dette blir følgt
opp. Det ser det ut til at det skal bli frå justisministeren si side. Men
det er nødvendig stadig vekk å påpeika dette, for - som sagt - i små
lokalsamfunn er det ei svært stor belastning for dei det gjeld og deira
pårørande.
Statsråd Grete Faremo:
Dette tror jeg
er et område som opptar mange, og den formen og det innholdet politiets
informasjon har, er viktig, men det er også viktig hvordan media selv
omtaler disse sakene. Og når det gjelder medias dekning av ulike saker, er
jeg som nevnt glad for at pressen har satt søkelyset på denne
kriminalitetsformen. Samtidig er det like viktig at pressen også følger sin
egen vær varsom-plakat og ikke glemmer det omsynet som den som har vært
utsatt for en slik kriminell handling, trenger, og som jo også risikerer å
få sitt privatliv utlevert for offentligheten. Dette er også en form for
overgrep som offeret og familien og miljøet ikke skal utsettes for.
Jeg kan nevne at riksadvokaten har
vendt seg til Justisdepartementet med forslag om å sette ned et
representativt utvalg med medlemmer fra de sentrale presseorganisasjoner for
å vurdere medias omtale av saker som står for retten, og forslaget blir nå
vurdert i departementet.