Bjørg Hope Galtung (Sp):
Eg har
følgjande spørsmål til statsråden:
I dagens lærebøker i samfunnskunnskap
for den vidaregåande skulen er det lite informasjon og opplysningar om det
norske forsvaret. Dette er eit stort sakn for både elevar og lærarar.
Kva vil statsråden gjera for å
imøtekoma ynsket om informasjon om Forsvaret i lærebøker?
Statsråd Gudmund Hernes:
I gjeldande
læreplan for faget samfunnskunnskap heiter det at faget er eit
allmenndannande fag. Gjennom faget skal elevane lære å forstå samfunnet og
sin eigen situasjon i samfunnet betre. Elevane skal m.a. tileigne seg
kunnskap om korleis det norske samfunnet er bygt opp og fungerer, og om
grunntrekk i det internasjonale samfunnet, og utvikle ei kritisk og
ansvarsmedviten holdning til samfunnsspørsmål.
Samfunnskunnskap er eit
studieretningsfag i studieretning for allmenne fag i gammal struktur og
byggjer på det felles allmenne faget samfunnslære. I læreplanen er makt,
konfliktløysing og internasjonal politikk - m.a. våpenkappløp og nedrusting
- sentrale tema.
Under emnelista for faget finn vi emne
som « Norsk utanriks- og tryggingspolitikk » med punkta « Norsk
tryggingspolitikk » og « Funksjonane til Forsvaret ». Under emnet « Internasjonale
samarbeids- og konfliktlinjer » finn vi punkta « Alliansepolitikk og kollektiv
tryggleik », « Opprusting/våpenkappløp, nedrusting, fredsarbeid » og
« Aust/vest-forholdet: kald krig og avspenning ».
Eg vil også streke under at ansvaret
for å gje informasjon og opplysningar om Forsvaret er eit felles ansvar for
grunnskule og vidaregåande opplæring. Eg reknar såleis med at forlaga ser
nærmare på dette saksfeltet i samanheng med nye læreplanar og lærebøker for
grunnskulen og vidaregåande opplæring. Nasjonalt læremiddelsenter har i eit
brev til Norges Forsvarsforening av 28. januar 1995 peikt på at det kan vere
aktuelt å arrangere eit seminar for lærebokforfattarar, forlagsredaktørar og
granskarar som arbeider innanfor samfunnsfag, for å drøfte korleis forsvars-
og tryggingspolitikk skal behandlast i lærebøker for samfunnsfag. Eg reknar
difor med at Nasjonalt læremiddelsenter vil følgje opp saka på dette
grunnlaget.
Bjørg Hope Galtung (Sp):
Svaret til
statsråden gjev då von om at framtidige lærebøker i samfunnsfag vil
innehalda stoff om forsvar og tryggleik. Men med bakgrunn i dei måla som
læreplan for samfunnslære har, vil det vera heilt naturleg at elevane får
kunnskap om Forsvaret si historiske og noverande rolle, hovudfunksjonane til
Forsvaret, totalforsvarsomgrepet, verneplikta, kvinner og forsvar, NATO,
FN-styrkar, fredsbevarande styrkar pluss ein del andre. Fram til i dag har
ikkje læreplanane innfridd dei måla som er gjevne. Måla vil då berre verka
som fine ord, fordi lærebøkene har svikta denne oppgåva.
Mitt tilleggsspørsmål er då: Kva er
årsaka til at dette temaet ikkje har vorte teke med i lærebøkene, og har
departementet forsømt si oppgåve som kontrollør når det gjeld dette temaet?
Statsråd Gudmund Hernes:
For å ta det
siste spørsmålet først. Det er slik at det inntil nå har vært forlagenes
ansvar å sørge for at de mål som er ført opp i læreplanene, blir tatt inn i
lærebøkene. Vi har hatt en godkjenningsordning som særlig har vært rettet
mot å kontrollere likestilling, det pedagogiske opplegget osv., men ikke
selve det innholdsmessige. Der har det imidlertid vært en reglementsendring
som gjør at Nasjonalt læremiddelsenter her kan gå mer aktivt inn. Det er
også grunnen til at de har etablert dette seminaret, som tar sikte på å
følge opp dem som skal lage lærebøkene.
Når det gjelder det innholdsmessige,
er jeg enig i at de punkter som representanten Hope Galtung tar opp, er
sentrale temaer i samfunnslære og samfunnskunnskap. I tillegg til det er
det klart at Forsvaret utgjør en hovednerve i hele vår nasjonale historie,
og også der bør man se på disse temaenes stilling.
Bjørg Hope Galtung (Sp):
Eg takkar for
svaret.
Som statsråden òg seier, er Forsvaret
ein av dei største institusjonane i samfunnet. Det grip inn i dei fleste
ungdomane sitt tilvere på eit visst tidspunkt i livet. Veldig mange
opplever fyrstegongstenesta som negativ både fysisk og psykisk. Mangel på
informasjon om dette temaet kan vera ei årsak til denne haldninga. Ei anna
viktig side ved dette er jentene sin adgang til m.a. å kunna avtena
fyrstegongsteneste. Dette er så vidt eg veit, ikkje nemnt noko særleg i
lærebøkene.
Mitt siste spørsmål er då: Kan
statsråden lova at tilstrekkeleg stoff om forsvar og tryggleik kjem i dei
neste utgåvene i samfunnslære?
Statsråd Gudmund Hernes:
« Tilstrekkelig » er vel et relativt elastisk begrep, så jeg vet ikke om jeg tør
love at det blir tilstrekkelig ut fra alle de ønskemål som måtte foreligge.
Men igjen vil jeg si når det gjelder
de temaer som her ble tatt opp, blant annet om jentenes adgang til
Forsvaret, at en vesentlig del av forberedelsen til alminnelig deltakelse i
vårt samfunn er at man kjenner også den siden av Forsvarets virksomhet, og
at man blir orientert om denne institusjonens rolle, både historisk og i
dagens situasjon, gjennom skolens læreplaner og undervisning.