Eli Sollied Øveraas (Sp):
Eg vil få
stille følgjande spørsmål til statsråden:
Under handsaminga av ny barnehagelov,
Innst.O.nr.28
(1994-1995), peikte komiteen på dei spesielle problema døve barn i barnehage
står overfor i samband med opplæring i teiknspråk, og bad Regjeringa kome
attende til Stortinget med framlegg til løysingar på dette.
Har departementet starta dette
arbeidet, og kor langt har det eventuelt kome i høve til det Stortinget bad
om?
Statsråd Grete Faremo:
Eg kan opplyse
at Barne- og familiedepartementet har kome langt i utgreiinga av dette
arbeidet i samarbeid med Kyrkje-, utdannings- og forskingsdepartementet. Eg
ser dette vedtaket i Stortinget i samanheng med Stortinget si handsaming av
Dok.nr.8:45
(1994-1995), forslag frå stortingsrepresentant Erling Folkvord om sikring av
hørselshemma førskolebarn sin rett til språkopplæring - opplæring i
teiknspråk som førstespråk. I
Innst.S.nr.170
(1994-1995) ber fleirtalet i kyrkje-, utdannings- og forskingskomiteen
departementet greie ut og kome med forslag til rammer og retningsliner for å
sikre døve førskolebarn rett til opplæring i teiknspråk, seinast i samband
med opplæringslovene. Vidare ser eg saka i samanheng med den reviderte
forskrifta for grunnskolen, som gjev hørselshemma barn under
opplæringspliktig alder som får spesialpedagogisk hjelp, rett til opplæring
i teiknspråk. Denne forskrifta skal tre i kraft 1. juli 1997.
Dei to departementa har i samarbeid
med to spesialpedagogiske kompetansesenter fått utarbeidd to utgreiingar, ei
av fagleg og ei av faktamessig karakter. Desse to utgreiingane gir oss god
kunnskap om og oversikt over forholda for hørselshemma førskolebarn i dag.
I samband med utgreiingsarbeidet vart det kartlagt at om lag 190
førskolebarn har behov for opplæring i teiknspråk, og at dei fleste får slik
opplæring i ulike samanhengar. Men ein er redd for at dei som vert kalla
distriktsbarn, dvs. dei barna som går i barnehage på heimstaden saman med
berre høyrande barn, kan ha problem. Det dreier seg om om lag 40 barn.
Utgreiingane peikar på at det er særs viktig å finne fram til måtar der
distriktsbarna i periodar kan kome i miljø som nyttar teiknspråk. Dette er
ein føresetnad for å tileigne seg slikt språk. Dette kan vere vanskeleg i
praksis, særleg fordi avstandane kan vere store.
Etter barnehagelova § 9 har barn med
funksjonshemmingar førerett til barnehageplass, dersom dei kan ha nytte av
opphaldet. Denne føreretten gjeld sjølvsagt også for døve og hørselshemma
førskolebarn. Rammeplanen for barnehagen slår fast at utviklinga av språk
og evne til kommunikasjon er noko av det viktigaste for barn si utvikling av
basiskompetanse. Planen seier vidare at bruk av teiknspråk er naudsynt i
språkopplæringa av døve og sterkt hørselshemma barn. Barnehagelova,
rammeplanen, retten til spesialpedagogisk hjelp og den nye forskrifta om
rett til opplæring i teiknspråk burde totalt sett vere tilstrekkeleg til at
dei døve og hørselshemma førskolebarna skal vere sikra opplæring i
teiknspråk. Det er kommunane som har ansvaret for at rettane vert oppfylte.
Barne- og familiedepartementet har
også økonomiske verkemiddel. I tillegg til det ordinære statstilskotet til
drift av barnehagar får kommunane ei påplussing på 10 % som er øyremerkt til
tiltak for barn med funksjonshemmingar. For tospråklege barn vert det gitt
tilskot til tospråklege assistentar. I St.prp.nr.1 for inneverande
budsjettår vart det føreslått at det øyremerkte tilskotet også kunne nyttast
til kortvarige kurs i teiknspråk for assistentar, og at tilskot til
tospråkleg assistent kan nyttast til å tilsetje assistentar som nyttar
teiknspråk. Dette er nytt for inneverande år.
Eg har vore i kontakt med kyrkje-,
utdannings- og forskingsministeren i samband med dette spørsmålet. Han
stadfester at Kyrkje-, utdannings- og forskingsdepartementet vil ta opp døve
førskolebarn sin rett til opplæring i teiknspråk i samband med
odelstingsproposisjonen om ny opplæringslov, som skal leggjast fram for
Stortinget til hausten.
Eli Sollied Øveraas (Sp):
Eg vil takke
statsråden for svaret.
Det er positivt at arbeidet er i gang,
og eg har sjølvsagt forståing for at departementet treng noko tid til dette.
Det er mange døve barn som er integrerte i såkalla vanlege barnehagar. Men
det er òg mange føresette som er svært urolege for at desse barna ikkje får
eit godt nok tilbod, då det manglar personale med kompetanse til å gje dei
eit fullgodt tilbod. Eg delar denne uroa til dei føresette. Desse døve
barna vert sette tilbake i språkutvikling på grunn av mangel på fagfolk, som
spesialpedagogar. Statsråden peika på at dette særleg er eit problem for
dei såkalla distriktsbarna. Men foreldre i Oslo har stevna Oslo kommune for
brot på m.a. grunnskolelova, medan kommunen på si side hevdar at det er
mangel på fagfolk som skapar problem.
Mitt spørsmål til statsråden er då: Er
departementet kjent med denne problemstillinga, og har departementet i så
fall ein strategi på kort sikt for at tilboda til desse barna kan bli betre?
Statsråd Grete Faremo:
Jeg må selvsagt
innrømme at justisministeren har begrenset kunnskap om en del av disse
forholdene, men det er likevel kjente toner representanten Eli Sollied
Øveraas kommer med, og på mange måter toner som departementet har vært
opptatt av å lytte til for å prøve å finne løsninger. At det er gjort en
rekke ting, gir svaret forhåpentligvis et bilde av. Ikke minst den
lovproposisjonen som man kommer tilbake til Stortinget med til høsten, vil
være et viktig bidrag i denne sammenheng. At det også påligger kommunene et
ansvar her, er kanskje unødvendig å si, men jeg velger likevel å gjenta det
poenget.
Eli Sollied Øveraas (Sp):
Eg vil
gjerne takke statsråden for svaret. Eg skal kome med ein kort
tilleggsmerknad.
Dersom årsaka til problema ligg i
mangel på fagfolk, har då departementet tenkt å vurdere å kome med ein
tiltaksplan for å auke talet på spesialpedagogar for døve barn?
Statsråd Grete Faremo:
Jeg tror for
min del at jeg skal være forsiktig med å løsrive den biten fra debatten om
hvordan vi nå skal gjennomføre en del av de tunge reformene som vil berøre
både grunnskolen og barnehagene. Og jeg er sikker på at representanten vil
få rik anledning til å drøfte disse tingene med barne- og familieministeren,
for dette er forhold vi er opptatt av å finne så gode løsninger på som
mulig.