Gard Folkvord (A):
Jeg tillater meg å
stille følgende spørsmål til kirke-, utdannings- og forskningsministeren.
Fordypningspoeng innen videregående
opplæring blir brukt for å stimulere ungdom til å ta visse fagkombinasjoner.
Undersøkelser viser at norsk ungdom er i dårlig fysisk form.
Vil statsråden vurdere å gi ungdom som
tar idrettsfag, fordypningspoeng?
Statsråd Jon Lilletun:
Eg vil i
svaret mitt ta utgangspunkt i dei reglane som gjeld søkjarar som har teke
treårig vidaregåande opplæring etter innføringa av Reform 94.
Ordninga med tilleggspoeng for fagleg
fordjuping ved opptak til grunnutdanningar ved universitet og høgskular vart
skipa for å stimulere til val av krevjande fagkombinasjonar i vidaregåande
skule. Ordninga premierer elevar og privatistar som nyttar timar dei har
til val, til å fordjupe seg i særskilde emne.
Slik spørsmålet lyder, er det ikkje
heilt klårt om spørjaren tenkjer på elevar som tar allmenn-økonomisk eller
idrettsfagleg studieretning.
Elevar som tar studieretning for
allmenne, økonomiske og administrative fag, får ikkje fordjupingspoeng
dersom dei nyttar timar til val til å ta idrettsfag. Eit utval som drøfta
bruken av fordjupingspoeng i 1993, konkluderte med at val av fag som skulle
gi grunnlag for fordjupingspoeng, skulle føre eleven « betydelig nærmere
relevante krav til studieegnethet ».
Når det gjeld reglane for elevar på
idrettsfagleg studieretning, vil eg seie fylgjande: Utvalet nemnt over kom
fram til at utdanningar som skulle gje fordjupingspoeng, måtte innehalde ein
viss monn av reiskaps- og referansekunnskapar og ikkje einsidig innehalde
fordjuping i enkeltfag eller faggrupper. Det er departementet si oppfatning
at elevar frå studieretning for idrettsfag som bruker timar til val til
ytterlegare fordjuping i idrettsfag, ikkje tilfredsstiller krava til fagleg
breidd med omsyn til reiskaps- og referansefag.
Etter gjeldande forskrift får søkjarar
med studieretning for idrettsfag to fordjupingspoeng om dei nyttar veketimar
til val til å ta studieretningsfag frå studieretning for allmenne,
økonomiske og administrative fag. Dersom desse faga er realfag, kan dei
òg få realfagspoeng. Dei kan få ytterlegare fordjupingspoeng og
realfagspoeng ved å ta fleire studieretningsfag frå denne studieretninga i
tillegg til full fag- og timefordeling i si treårige utdanning.
Det er skipa ei alternativ ordning med
bonuspoeng ved søknad om opptak til universitet og høgskular. Denne
ordninga gjeld frå og med opptak til studieåret 1998-99 for søkjarar med
studieretning musikk, dans og drama. Det vart ved behandlinga i Stortinget
ikkje gjort framlegg om at ordninga også skulle gjelde for idrettsfag.
Årsaka til denne skilnaden er at det i studieretning for musikk, dans og
drama berre er fire-seks veketimar til val, slik at den ikkje gjev rom for å
skaffe seg fordjupingspoeng. I studieretning for idrettsfag er det 13
veketimar til val og derfor godt høve til å ta fag som gir tilleggspoeng for
fordjuping.
Stortinget har hatt desse spørsmåla
til vurdering ei rad gonger. Så seint som i juni i fjor drøfta vi prinsippa
for rangering ved opptak svært grundig, slik både spørjaren og eg kjenner
godt til. Eg meiner no vi må gje desse reglane noko tid til å setje seg, og
når det gjeld fordjupingspoeng, må vi ta omsyn til at om alle får likt, vil
ordninga ikkje ha nokon verknad.
Gard Folkvord (A):
Jeg takker
statsråden for et svært omfattende svar. Statsrådens svar viser også med
tydelighet hvor komplisert dette regelverket etter hvert har blitt. La meg
innledningsvis bare få oppklare at jeg legger idrettsfaglig studieretning
til grunn for mitt spørsmål.
Særlig når det gjelder
bonuspoengordningen, er skjevhetene store innenfor dette systemet.
Idrettselever får ingen bonuspoeng ved opptak til relevante studier, som
lærer- og førskolelærerutdanning, ved fysioterapiutdanning, Politihøgskolen
og til og med Idrettshøgskolen.
Deler statsråden min bekymring for de
virkningene disse bonusreglene nå har fått?
Statsråd Jon Lilletun:
Spørjaren har
rosverdig teke opp det faktum at den fysiske fostringa og den fysiske forma
til svært mange unge ikkje er det den burde vere. Denne statsråden må vel
erkjenne at det ikkje berre gjeld ungdom, det gjeld ein del av oss andre
òg. Slik sett kunne det vere ynskjeleg å imøtekome ynsket.
Eg er glad for at spørjaren erkjenner
at dette er samansett og vanskeleg. Det som var hovudgrunngjevinga for dei
konklusjonane ein endeleg kom fram til, var at det er realfaga som er
dramatisk underrepresenterte i våre viktigaste utdanningsvegar i tida
framover. Derfor vart det dei som vart overvekta. Dei som tek idrettsfaga,
har den moglegheita at dei kan ta fordjuping i ei rekkje av realfaga og
dermed få poeng. Den moglegheita har ikkje dei som tek faga musikk, dans og
drama, og derfor går bonuspoenga til dei som vel desse faga. Eg påstår
ikkje at dette er fullkome rettferdig, men det var så langt vi kom. Eg trur
desse reglane må få lov til å prøve seg no.
Gard Folkvord (A):
Nok en gang vil
jeg takke statsråden for svaret. Jeg er fullt ut enig med ham i at det for
realfagene i sin tid var særskilte behov som det måtte tas hensyn til. Men
jeg vil gjerne utfordre statsråden på at det ikke nødvendigvis er riktig
innfallsvinkel å ha en enten - eller - holdning. En kan prøve å legge seg
på en både - og - holdning i forhold til realfag og idrettsfag. Det skal
foretas en evaluering av Reform 94. Da må en kunne forvente at reglene for
fordypningspoeng og bonuspoeng blir forbedret, slik at også idrettselever
kan nyte godt av disse ordningene. Kan statsråden i dag love at han vil
arbeide for å rette opp disse skjevhetene i forbindelse med evalueringen av
Reform 94, og at han kanskje også vil gjøre en innsats for å forenkle
regelverket dersom det er mulig?
Statsråd Jon Lilletun:
Eg kan gjerne
love å vurdere det i samband med evalueringa. Eg deler ynsket om
forenkling. Erfaringa frå dei behandlingane eg har vore med på, har vore at
det ikkje er enkelt. Eg registrerte at tidlegare medlem av kyrkje-,
utdannings- og forskingskomiteen, Marit Nybakk, i eit intervju nyleg foreslo
kanskje opptaksprøver som alternativ til desse poengsystema. Eg påstår
ikkje at vi er i mål. Eg er glad for at spørjaren erkjenner at vi i alle
fall ikkje skal ta det før gjennomgangen i samband med evalueringa. Skulle
vi finne ei forenkling, er eg sjølvsagt open for det. Vi skal òg sjølvsagt
vurdere fysisk fostring, men det spørjaren og eg truleg er einige om, er at
om vi gjer for mykje både-og, er vi på utgangspunktet null igjen. Det var
vel ikkje meininga.