Åsa Elvik (SV): «Fiskeribladet meldte 28. desember 2001
at fleire fiskarar lot vere å prøve å kvalifisere
seg for fiske på silda fordi beskjeden frå departementet
var at fiske i 2001 ikkje ville bli tatt omsyn til i tildeling
av kvotar. Då forskrifta for framtidig deltaking i sildefisket kom,
viste det seg at aktivitet fram til 24. september 2001 hadde betydning
likevel.
Korleis meiner statsråden at fiskarane
skal stelle seg til meldingane frå departementet i forhold
til kvalifisering til fiske?»
Statsråd Svein Ludvigsen: Dersom ein ønskjer ein levande kyst
og eit levande kystsamfunn, og det gjer eg, er det nødvendig å syte
for at fartøya kan tilby attraktive arbeidsplassar
og gode vilkår. Det sikrar rekrutteringa. Skal
ein gjere det, må også fartøya
ha ei akseptabel lønsemd. For å få til
det er det etter mi meining nødvendig å lukke
fleire av dei viktige fiskeria i Noreg.
Det er nemleg slik at for kvart fartøy
som kjem inn i eit fiskeri, vil inntekta for dei som allereie er
der, gå ned. Dersom ein har totalt opne fiskeri,
risikerer ein at det kan bli så mange fartøy i
fisket at det blir for lite fisk til kvart fartøy,
og dermed vil ingen i prinsippet kunne drive lønsamt. Dette
blir forsterka ytterlegare fordi kvoten og storleiken på totalbestandane
varierer frå år til år. I år
med god ressurstilgang vil ein kunne
oppleve at det ikkje er så problematisk om det
kjem inn nye fartøy. Men det vil bli meir problematisk
dersom ein ser det i det lang løp, og i dei åra
når kvoten totalt går ned, vil det ytterlegare
forverre situasjonen for absolutt alle. Derfor er ei avgrensing
i tilgjenget etter mitt skjønn nødvendig
for å sikre driftsgrunnlaget for dei som er aktive i fisket,
og dermed er det i fiskarane si eiga interesse.
Eg ser at signala Fiskeridepartementet gav
i februar 2001 om at deltaking i 2001 ikkje
ville bli lagt til grunn for framtidig deltaking i fisket etter
norsk vårgytande sild, kan ha medført at enkelte,
trass i svært gode råstoffprisar, ikkje
deltok i sildefisket i 2001.
Departementet hadde i utgangspunktet tenkt å leggje aktiviteten
i 1998, 1999 og 2000 til grunn for framtidig deltaking i kystfartøygruppas
fiske etter norsk vårgytande sild. Under førebuingane
av høyringsnotatet kom det ønske frå næringa
om at dei som deltok i fisket for første gong
i 2001, også måtte takast inn i den
lukka gruppa. Dersom ein stilte krav om deltaking i eitt av åra
1998, 1999 eller 2000, ville om lag 590 aktørar
oppfylle vilkåra for deltaking. Tal frå Fiskeridirektoratet
viste at 40 nye fartøy deltok i fisket før 24.
september 2001. Sidan så få hadde starta fisket
i 2001, lytta Fiskeridepartementet til signala, og vi sette siste dato
for deltaking til same dato som utsending av
høyringsnotatet, den 24. september.
90 fartøy deltok i fisket for første
gong etter 24. september 2001. For fartøy som
ikkje deltok i fisket før denne datoen, er det opna
for å gi dispensasjon til fartøy som vart kontraherte eller
som har vore gjennom vesentleg ombygging før
1. september 2001. Det vil berre bli gitt dispensasjon til dei fartøya
som kan dokumentere at sild var meint å vere
ein vesentleg del av driftsgrunnlaget. Til no har direktoratet fått
inn 55 søknader om dispensasjon. 50 er ferdigbehandla,
14 har fått avslag.
Åsa Elvik (SV): Eg takkar for svaret, men eg kan ikkje
sjå at statsråden svarte på spørsmålet
mitt.
Eg tar ikkje stilling til realiteten
i stenginga. Det er jo stenginga som skaper problem for
departementet i tildeling av kvotar og når det gjeld å bestemme
kva som er historiske rettar eller ikkje. Men det tar
eg ikkje stilling til i spørsmålet mitt.
Det eg spør om, er korleis statsråden meiner at
fiskarane skal stelle seg til dei signala som kjem frå departementet,
når rådet frå departementet er så klart
at det ikkje er nokon vits i å prøve å opparbeide
seg historiske rettar for å få kvote. Korleis
meiner statsråden at fiskarane skal stelle seg til så tydelege
signal?
Statsråd Svein Ludvigsen: Som jeg sa i mitt svar, er det slik at de signalene
som gikk ut fra departementet i februar for et år
siden, kan ha medført at enkelte ikke deltok.
Men jeg redegjorde også for prosessen videre,
som viser at departementet har vist stor grad av imøtekommenhet
ved å lytte til de signalene som kom fra fiskerne. Vi har
altså åpnet for en dispensasjonsadgang også for dem
som ikke deltok i fisket før etter
24. september 2001. På den måten åpner
vi for at de som hadde tenkt å delta, men av ulike grunner ikke
kunne fordi fartøyet var under bygging eller
ombygging, skal kunne få dispensasjon. Jeg synes at det
viser departementets og direktoratets velvilje – for å bruke
det begrepet – at når det har kommet inn 55 søknader,
har vi allerede behandlet 50 og kun 14 har fått avslag.
Det betyr at vi har vist en stor grad av imøtekommenhet,
og at vi har lyttet til fiskerne. Så jeg føler
at vi på en god måte har forholdt oss
til de signalene vi har sendt ut, og måten fiskerne har
oppfattet dem på.
Åsa Elvik (SV): Eg takkar for svaret.
Vil det seie at når eg les i lokalavisa
mi den 22. desember at departementet vurderer å lukke kystfisket etter sei, hyse
og sild og samtidig presiserer at det ikkje er nokon vits
i å prøve å opparbeide seg historiske
rettar på desse i 2002, så er det ein garanti
frå departementet, at det ikkje er nokon vits
for fiskarane å opparbeide seg historiske rettar i 2002?
Men utan å ta stilling til realiteten i saka,
som eg er imot, prøver eg framleis å sjå saka
frå fiskaranes synsvinkel, for eg innser at det sjølvsagt
er vanskeleg å stengje eit fiske.
Mitt andre oppfølgingsspørsmål – dersom
eg kan få lov til det – er: Dersom Stortinget
hadde ønskt å la fisket i 2002 telje i forhold
til historiske rettar, innser då statsråden at
dei signala som allereie er gitt frå departementet, faktisk
utelukkar denne moglegheita, og at Stortinget er heilt utan
styringsrett her?
Statsråd Svein Ludvigsen: Jeg vil understreke at mitt svar gjaldt sildefisket,
som det ble spurt om. Nå trekker man inn andre
fiskerier – og der har vi saker ute på høring – men
jeg skal altså forholde meg til det spørsmålet
dreide seg om, nemlig norsk vårgytende sild. Og jeg understreker
at det fisket ikke har vært lukket i 2001. Alle
fiskerne på blad B kunne derfor delta i fisket. Fiskeridepartementet
har valgt å følge rådene fra næringen
og dermed åpnet for at deler av 2001 også kunne
vært lagt til grunn for deltaking i den adgangsbegrensede
gruppen. Så jeg føler at det som det spørres
om, har vi imøtekommet i stor grad, og at det i næringen
er stor forståelse for måten vi har håndtert
det på.