Svein Harberg (H) [11:12:19]: Da skal jeg stille følgende spørsmål til miljøvernministeren:
«I mars 2012 debatterte Stortinget et forslag fra Høyre om større kommunal myndighet i saker som angår motorferdsel i utmark. En samlet opposisjon, samt Arbeiderpartiet og Senterpartiet, var i debatten tydelige på at en slik endring er riktig og nødvendig. Statsrådens regjeringspartnere var tydelige på at dette ville bli fulgt opp i inneværende stortingsperiode.
Hvor står denne saken i dag, og kan statsråden bekrefte at regjeringen vil fremme en sak for å overføre større myndighet i spørsmål om motorisert ferdsel i utmark til kommunene?»
Akhtar Chaudhry hadde her overtatt presidentplassen.
Statsråd Bård Vegar Solhjell [11:13:02]: Når representanten etterlyser større myndigheit til kommunane i spørsmålet om motorisert ferdsel i utmark, legg eg til grunn at det er spørsmål om såkalla rekreasjonskøyring det vert spurt om, for det var det som var tema i den debatten.
Som representanten viser til, vart spørsmålet om auka kommunal myndigheit på motorferdsel debattert i Stortinget i slutten av mars i år under behandling av eit representantforslag frå Høgre om det, Dokument 8:40 S for 2011–2012. Min forgjengar, Erik Solheim, sa i den debatten at regjeringa vil sjå på moglegheiter for å kome kommunane i møte ved å gi dei større myndigheit til å bestemme om dei vil opne for etablering av scooterløype til rekreasjonskøyring. Eg har tidlegare bekrefta at eg vil sjå på det same spørsmålet, i tråd med det statsråd Solheim sa.
Eg er òg klar over at mange ønskjer at det kjem ei avklaring på det. Dersom regjeringa skal fremme eit forslag som gir større lokal myndigheit, må vi vere sikre på at det lèt seg gjennomføre utan at vi samtidig – og heller ikkje på lang sikt – risikerer potensielt store konsekvensar for friluftsliv og naturmangfald. Vi jobbar no derfor med å hente inn kunnskap og føreta grundige vurderingar av moglege løysingar. Dei vurderingane vil vere viktige for om regjeringa vil sende eit forslag om endringar på høyring. Eg kan ikkje love noko no om når det spørsmålet vil vere avklart, men vi arbeider med det og vil ikkje la det gå for lang tid, og vi vil ta opp spørsmålet i inneverande stortingsperiode.
Svein Harberg (H) [11:14:52]: Jeg registrerer at statsrådens innlegg understreker at vi fortsatt står på samme sted – nå skal det innhentes informasjon, nå skal en skaffe grunnlag. Det er altså rimelig mange år siden det var forsøkskommuner på dette, forsøkskommuner som samtlige meldte tilbake om at dette var en god løsning. Det har vært flere runder på det underveis i årene etterpå, og alle debatter her i Stortinget har vært tydelige på at dette må vi gjøre noe med. Nå er det altså atter en gang det som er svaret, at nå skal vi innhente grunnlag, nå skal vi passe på at dette går bra.
Betyr det at statsråden ikke har tenkt å bruke erfaringene fra forsøkskommunene som grunnlag, men skal innhente et nytt grunnlag for å bearbeide denne saken?
Statsråd Bård Vegar Solhjell [11:15:44]: Det eg sa i mitt svar, var at vi arbeider med spørsmålet og vurderer det, i tråd med det tidlegare statsråd Solheim sa i debatten, og i tråd med det eg har svart på her i Stortinget tidlegare. Til det innhentar vi kunnskap og ser på ulike sider ved saken. Ein del av den vurderinga er erfaringar forsøkskommunane har gjort. Eg har sjølv snakka med fleire av dei. Eg har òg sett meg inn i den uavhengige evalueringa som er gjort av dei forsøka, og det utgjer ein del av det grunnlaget som regjeringa no legg til grunn når vi vurderer spørsmålet.
Svein Harberg (H) [11:16:25]: Det er godt at arbeidet er i gang og at dialogen er i gang.
I debatten i mars var i hvert fall regjeringspartnerne til statsråden veldig tydelige på at dette måtte skje, og at det skulle skje nå. Ja, sågar var det noen som mente at det burde kommet våren som var, men det var vel for kort tid til at det var mulighet for det. I den debatten inviterte også statsrådens forgjenger til en dialog om hvordan en skulle få til dette økte lokale selvstyret uten at det ødelegger for det som ingen av oss vil at det skal ødelegge for.
Nå er vi altså midt i budsjettbehandlingen, og det er snart bare et halvt år igjen av stortingsperioden. Er det slik at statsråden nå vil invitere til dialog om dette, i og med at det var et så solid flertall i stortingssalen som ønsket å få dette på plass nå?
Statsråd Bård Vegar Solhjell [11:17:23]: Uavhengig av det synest eg at dialog om og innspel til det spørsmålet er veldig klokt, og eg vil gjerne ta imot representanten Harbergs og andre sine synspunkt og vurderingar, ikkje minst innspel til det han sjølv gjekk inn i, nemlig korleis det går an å hindre negative konsekvensar for naturmangfald, friluftsliv og andre forhold dersom ein skal opne for auka grad av lokalt sjølvstyre. Det kan vere ganske krevjande avvegingar som ein må gjere.
Elles har eg lese den debatten som var i stortingssalen i sin heilskap, så eg har eit godt bilete av kva dei ulike representantane frå dei ulike partiar sa og meinte då.