Petter Løvik (H): Frå fleire hald vert det påpeika at faget engelsk har fått ei sterkt svekka stilling i forslaget til fagplan for den nye maritim-tekniske fagskulen. Spesielt gjeld dette maritim engelsk som står i fare for å falle heilt bort som eige fag.Vil Statsråden bidra til at framtidige norske sjøoffiserar får eit tilbod om maritim engelsk som set dei i stand til å møte dei store utfordringane i praktisk skipsfart?
Begrunnelse
Utdanninga innanfor maritime fag er under omlegging. Departementet har kome med utkast til fagplanar for den nye maritim-tekniske fagskulen. Frå fleire hald er det påpeika at maritim engelsk ikkje er tilgodesett med ein plass i desse fagplanane.
Ein kan sjølvsagt hevde at engelsk terminologi og praktisk bruk må vere ein integrert del av dei andre faga. Faren med dette er at det ikkje vil gi ei systematisk opplæring i maritim engelsk, og at ikkje alle som underviser i dei andre faga har god nok kunnskap i engelsk til å gi eit fagleg tilfredsstillande undervisningsopplegg. Når ein veit at presis kunnskap i engelsk er avgjerande for m.a. tryggleiken i skipsfarten, er det grunn til å tru at det nye opplegget ikkje er godt nok for å møte krava som framtidige sjøoffiserar blir stilte overfor