Hallgrim Berg (H): "I seinare år er det registrert stor auke i bil- og trailertrafikken på Rv52 i og gjennom Hemsedal. Det er føresett at trafikken skal gå over Fillefjell når den vedtekne stamvegen aust-vest opnar med den nye tunnelen Aurland-Lærdal. Kva kan statsråden gjera med dei akutte trafikkproblema og tryggleiken langs Rv52, og kva vil departementet gjera for å skunde på omlegging av Riksvegen utanfor sentrum i tide til opninga av Lærdalstunnelen?"
Begrunnelse
Hemsedal Høyre har i brev til underteikna, dagsett 12. november 1996, uttrykt stor uro over utviklinga av trafikken gjennom Hemsedal. Rv52 er sterkt belasta alt i dag, ikkje minst i sesongane, og tryggleiken er ikkje god. Det har vore dødsulykke og "nesten-ulykker" fleire gonger. Miljøproblema veks. Eit stort tal trailerar vel å køyre riksveg 52 over Hemsedalsfjellet i staden for å velja Fillefjell. Med opninga av Lærdalstunnelen som lekk i aust-vest sambandet og ny stamveg vil trafikkproblema forsterke seg dramatisk.
Hemsedal Høyre viser til at lokale styresmakter fleire gonger har oppmoda Buskerud Vegvesen om å prioritere omlegging av vegen utanom Hemsedal sentrum (Trøim). Etter kvart er bumiljøet i sentrum sterkt plaga av støy og eksos. Eit ytt byggefelt rett ved sida av Rv 52 har fått dårleg avkøyringsløysing på grunn av riksvegen, då Buskerud Vegvesen ikkje kunne tillata ny avkøyring.
Hemsedal Høyre viser logisk til at dei fleste vil velja kortaste veg frå Lærdal og austover, dvs. over Hemsedalsfjellet, og difor er det eit rimeleg folkekrav at vegen blir rusta opp gjennom Hemsedal og vidare nedover på dårlege strekningar langs Rv7.
I brevet, underteikna av Bjørn Tore Moger, gruppeleiar for kommunestyregruppa i Høgre og leiar for Hemsedal kommuneplannemnd, blir det streka under at det må gjerast noko med trafikktryggleiken i Hemsedal. M.a. er det nemnt mellombels løysing med MPG og gangfelt mellom Tuv og Trøim. Samtidig er det ei stor utfordring å få til ei omlegging av Rv52 utanom Hemsedal sentrum.
Et er samt med hemsedølene i alt dette, og vil leggja til at det er meir enn urimeleg å gjera eit stamvegvedtak sentralt utan å ta omsyn til dei problema som ein dermed påfører bygdesamfunn lokalt. Det er truleg ikkje naudsynt å nemne at det her ikkje berre er tale om eit lite bygdesamfunn, men eit område som inngår i offentlege og nasjonale satsingsområde for rekreasjon og reiseliv.