May-Helen Molvær Grimstad (KrF): Geiranger i Stranda kommune har kome med I UNESCO si verdsarvliste. Området vert rekna mellom dei framifrå vakraste fjordlandskapa. For å gi mange høve til å oppleve dette er det viktig med trygg og sikker veg. Det er viktig å fullføre rassikringsarbeidet på riksveg 63 mellom Geiranger og Grotli, Stavbrekkfonna. Dette arbeidet vart starta opp i 2005.
Kva bidrag kan statsråden kome med for at ein nasjonal turistveg til Geiranger vert sikker, open og tilgjengelig, og at arbeidet med rassikring av riksveg 63 vert fullført?
Begrunnelse
Det var ei stor glede at arbeidet med å få Geiranger med på UNESCO si liste lukkast. Det er viktig at det potensialet det gir for turisme nasjonalt og internasjonalt vert utnytta. Skal turismen få blomstre i området, er ein avhengig av sikker framkomelegheit, og at vegen er open så tidleg som mulig til sommarsesongen. Til vanleg blir vegen opna i siste halvdel av mai, men i 2005 vart han ikkje opna før den 21. juni. Det kan vere tale om ein ny metode for rassikring i Stavbrekkfonna, og kanskje kan ein i slik samanheng nytte FoU-midlar. Eg har forstått det slik at det var FoU-midlar som vart nytt i 2005 for oppstart. No haster det med fullføring, slik at turistnæringa ikkje blir ytterlegare skadelidne. Statens vegvesen har rekna med at kostnadene for fullføring vil vere i overkant av 10 mill. kr.