Begrunnelse

Etter at Posten la ned sin omlastingssentral i Florø, og flyttet denne til Ålesund, har verksemder i Nordfjord kome utanfor den såkalte garantisona. Innanfor denne garantisona er ein garantert at ekspressleveransar over natt vert levert mottakar før kl. 09.00 neste morgon. Ifølgje verksemder i dette området har omlegginga av denne ordninga resultert i alvorlege konsekvensar for dei.
Mange har ein kvardag der dei har avtaler med sine kundar med svært knappe tidsfristar for leveringa av varer. Konsekvensane dersom dei ikkje held inngått avtaler er store, og kan i mange tilfelle resultere i tapte leveransar og kanskje dagmulkt. Det er difor viktig og heilt avgjerande at desse verksemdene har ordninga som dei kan stole heilt på når det gjeld å sikre seg at dei får tak i komponentar/varer som dei måtte mangle for å kunne levere fullt ut ordren som dei har inngått med sine kundar. Dei vil då kunne oppleve å vere i den situasjon at dei manglar eitt eller anna, som dei må få levert frå sine leverandørar ekspress over natt, og kunne vere sikre på at Posten sin garantiordning med levering før kl. 09.00 neste morgon er å stole på.
Då omlastingssentralen tidlegare låg i Florø, var dette ikkje noko problem i det heile. Ein var sikra at ekspressleveransar over natt vart levert av Posten heilt i tråd med garantiordninga.
Ifølgje verksemder i dette området vert det opplyst at varesendar ikkje får beskjed når leveransar ikkje vert levert ifølgje garantiordninga, altså før kl. 09.00 neste morgon. Det dei heller ikkje får beskjed om er at leveransen heller ikkje vert levert seinare same dag, men vert levert først neste dag.
Dei som sender varer som ekspress over natt betaler dermed for ei teneste som Posten ofte ikkje leverer. Hadde dei fått beskjed om at Posten ikkje kan garantere slik levering, og at leveransen ikkje er mottakar i hende før om to dagar, kunne dei valt "bedriftspakke dør til dør", som er ein forsendelsemåte som er rimelegare.