Bjørn Jacobsen (SV): Kor står saka om verneplan for Smøla i dag og er det mulig å gå fleire rundar med kommunen og lokalsamfunnet for på den måten å få dei lokale inn i prosessen ein gong til for å sjå på om deira syn med aktivt vern kan komme meir inn i bildet igjen?
Begrunnelse
Smøla kommune har deltatt særs aktivt i arbeidet med verneplana for Smøla. Dei har leigd inn fagekspertise og hatt ulike folkeleg forankra grupper i sving med å få fram kva som er lokalsamfunnets alternativ til føreslåtte verneplan. Sett utanfrå ser det ut som kommunen har hatt særs gode prosessar for å komme fram til kva som er lokalsamfunnets syn. Spesielt har dei sett på tilhøvet mellom bruk og vern og framhalde at lokale krefter vil kunne spele ei viktig rolle her i staden for det ein kan sjå ein tendens til langs kysten at ressurssterke krefter kjøper opp eigedommar.