Erling Sande (Sp): Er høyringa på konseptval for E 39 å tolke slik at departementet har konkludert på at det kun er dei to alternativa som SSV peikar på som er realistiske, eller er det såkalla S-alternativet (K4) og dei andre trasèane som ligg i høyringsdokumentet framleis aktuelle å vurdere for høyringsinnstansane, og er det automatikk i at det kjem 300 millionar til strekninga Olden-Innvik dersom indre trase vert valgt, og tidleg i perioden, eller vil dette måtte vurderast opp mot andre prosjekt langs E 39?
Begrunnelse
I prosessen med konseptvalutredning for E 39 gjennom Sogn og Fjordane er no Statens Vegvesen si innstilling til Samferdsledepartementet på høyring. I framlegget har Statens Vegvesen utgreia ei rekke trasèalternativ, men ut frå sin ståstad peika særskilt på to trasèar, ein vestleg med kryssing av Nordfjord mellom Lote og Anda, og ein lenger aust. Fylkesadministrasjonen ser ut til å ha tolka vegvesenet slik at dette er dei einaste realistiske alternativa. Det kan difor vere nyttig å få klargjort om det er rett å tolke høyringa slik at det kun er desse to alternativa som er realistiske, eller om det såkalla S-alternativet (K4) og dei andre trasèane som ligg i høyringsdokumentet framleis er aktuelle å vurdere for høyringsinstansane. Vegvesenet har vidare lagt opp til å finansiere dei gjenståande parsellane på fylkesvegen mellom Olden og Innvik (ca 300 mill) dersom indrè trase vert valgt. Det kan vere nyttig å få avklart om det er automatikk i at desse midlane kjem på plass dersom indre trasè vert valgt, og kan det garanterast at dette skjer tidleg i perioden utan at dette påverkar gjennomføringstempo og rekkefylgje for andre prosjekt på E 39, eller om dette må vurderast og prioriterast opp mot andre prosjekt i og utanfor fylket på E 39.