Begrunnelse

Ifølgje folketrygdlova må alle som skal ha rett til dagpengar være «villige til å ta eitkvart arbeid kvar som helst i Noreg, uavhengig av om det er på heiltid eller deltid». Dette kan tolkast som om dagpengane kan verte avkorta når tida brukast til andre aktiviteter, som til døme å være frivillig i ein organisasjon.
I Navs rundskriv § 4.6, pkt. 2.5 om Frivillighetsarbeid kjem det tydeleg fram at ein kan delta i frivillig arbeid, også i periodar når ein er arbeidssøkande. Likevel stadfestar Røde Kors at det finst mange døme på at frivillige har måtte trekke seg frå sitt frivillige virke mens dei er arbeidssøkande. Til døme fekk Ann-Magreth Bjerkan, ein frivillig Røde Korsar, problem i sommar. Ho hadde delteke på Ferie for alle ei veke og fekk beskjed av sin sakshandsamar hos NAV i Sunndal at ho måtte føre den frivillige innsatsen opp som arbeid på meldekortet, og dermed ville bli trekt for ei veke i trygda. Etter mykje fram og tilbake gjekk NAV attende på det, og Ann-Magreth fekk ikkje trekk i stønaden sin likevel. Men ho måtte trekkje seg frå sitt verv i hjelpekorpset for ein periode, fordi ein leiteaksjon gjerne strekk seg over meir enn 30 timar, når ein også reiknar med reisetid. Det å stå i beredskap kom i konflikt med krav til å ikkje overstige fire virkedagar med frivillig arbeid. I Navs rundskriv § 4.6, pkt. 2.5 om Frivillighetsarbeid står det at «arbeidstiden må begrenses til maksimalt fire dagsverk per uke for den enkelte arbeidssøker, slik at vedkommende også kan være aktiv i søking etter arbeid». Røde Kors mista altså ein stødig beredskapsfrivillig i sommar, på grunn av regelverket.
Røde Kors og andre organisasjonar er omfattande arenaer for frivillig arbeid, og utfyller ei viktig rolle når det gjeld både aktivisering og kompetanseheving for menneske i ulike livsfasar. Frivillig arbeid kan for desse vere ein motivasjonsfaktor i periodar utan ordinært arbeid, for andre til og med ein veg attende til arbeidslivet. Røde Kors har ei rekke tiltak som direkte går på kvalifisering til arbeidsliv.
Når enkeltfrivillige vert straffa økonomisk dersom dei bidrar frivillig medan dei ventar på å komme inn i ordinært arbeid, er dette et teikn på at det må ryddast opp i regelverket.