Astrid Aarhus Byrknes (KrF): Arbeidsavklaringspenger (AAP) er ein statleg ytelse som ein har krav på å få i bestemte livssituasjonar for å kunne kvalifisere seg for arbeid. Sosialstøtte er ein kommunal ytelse som ein har krav på etter at alle andre utvegar er prøvd.
Er det rett og etter intensjonen at oppsparte midler som bustadsparing for ungdom (BSU) skal gå inn i berekninga av desse ytelsane?
Begrunnelse
Når berekningsgrunnlaget vert gjort for ytelser til AAP og sosialstønad vert alle oppsparte midler rekna med før ein får sin ytelse. Dette gjeld også for ungdom som har gjort ein innsats ved å spare til eigen bustad gjennom BSU. Når desse ungdomane kjem i den situasjon at dei må henvende seg til NAV grunna sin spesielle livssituasjon, så får dei beskjed om at dei fyrst må bruke opp sine sparepenger og sin BSU-konto før dei kan få sin ytelse. BSU-kontoen vert då oppbrukt til andre formål og kan ikkje gjenopprettast på eit seinare tidspunkt. Den er tapt for alltid, og ein kan heller ikkje gå i gong med ny BSU-sparing. Det er eit paradoks og sosialt urettferdig dersom regleverket tvinger ungdom til å bruke av BSU før ein får ein ytelse til livsopphald ein har krav på.