Begrunnelse

For Stortingsfleirtalet var det ei føresetnad at dagligvareportalen ikkje skulle bli berre ein prisportal. I Innst153s ( 2014-2015) vektla komiteens fleirtal at daglegvareportalen, saman med ei betre merkeordning, vil gjere det enklare for forbrukarane å gjere opplyste val basert på kriteriar som kvalitet, innhald, pris, dyrevern og miljøomsyn. Fleirtalet viste og til at ein daglegvareportal kan føre til ei auka marknadsadgang for småskala-aktørar som i dag ikkje sel sine produkt i daglegvarekjedane.
I rapporten Dagligvareportal og kvalitet stiller Statens institutt for forbruksforskning (SIFO) spørsmål om i kva grad dei føreslåtte løysingane frå Forbrukerrådet er i stand til å ivareta intensjonane. SIFO peikar mellom anna på portalens ambisjon om at forbrukaren skal kunne samanlikne produkt også ut frå ulike kvalitetar. Samstundes har dei peika på ei rekkje problem med omsyn til kvalitet, som følgje av portalens fokus på pris. SIFO meiner sjølv at desse utfordringane er å sjå som varsellampar.