Jenny Klinge (Sp): Kristiansund vart utlova eit Politiets løns- og rekneskapssenter med 70 tilsette, men dette er brått nedskalert til eit rekneskapssenter med 50 tilsette.
Korleis kunne dette skje reint formelt og politisk, og kan justisministeren forsvara at dette skjer når tildelingsbrevet utsendt 2/2 2017 innebar både løns- og rekneskapsoppgåver før snuoperasjonen kom berre to veker seinare?
Begrunnelse
JD har gitt POD ordre om å etablere eit løns- og rekneskapssenter for politietaten i Kr.sund. Frå tildelingsbrevet vart utsendt den 2. februar 2017 til kontrabeskjed kom den 17. februar om at det berre vart rekneskapsoppgåver og ikkje lønsoppgåver ved senteret i Kristiansund som utlovt, gjekk det altså berre 15 dagar. Dette verkar som resultatet av ein uryddig prosess og ein skjult politisk agenda, eventuelt at embetsverket gjer noko på tvers av det politisk leiing ønskjer.
Det er viktig å få klårheit i om justisministeren sjølv har gått inn for endringa, eller om endringa kjem som resultat av at POD ikkje følgjer politiske føringar. Begge delar vil vera merkeleg, all den tid ein må forvente at justisministeren held det han har lovt om tilføringa av kompetansearbeidsplassar til Kristiansund, og all den tid eit tildelingsbrev er ei klår politisk føring til ein etat.
Det er interessant at det har korne fram (i KSU 24/7) at fleire av dei som har vorte rekrutterte til dette kompetansesenteret innan løn og rekneskap i Kr.sund har spesialkompetanse på nettopp løn, trass i at lønsoppgåver no ikkje lenger skal vera ein del av porteføljen til senteret.
Dersom dette stemmer, og bør justisministeren snarast signalisere om desse skal få behalde dei jobbane dei er rekrutterte til, eller om dei må pårekne å miste jobbane sine. Dette siste vil tyde på eit dårleg handverk i ei sak som er altfor viktig til åla bli ein farse.