Begrunnelse

Dei siste åra har det vore uvanleg mange driftsstansar på ferjesambandet Lote-Anda på E-39 over Nordfjorden. I skrivande stund har det vore full stans på sambandet heile dagen, og dette har blitt ei jamnt vanlegare hending den siste tida. Ifølgje NRK Sogn og Fjordane er tala som følgjer:

2012: 10 kansellerte avgangar
2013: 7 kansellerte avgangar
2014: 16 kansellerte avgangar
2015: 80 kansellerte avgangar
2016: 112 kansellerte avgangar
Per feb. 2017 56 kansellerte avgangar

Grunngjevingane frå Fjord1, som har anbodet på sambandet, varierer mellom dårleg vêr, motortrøbbel og vanskeleg tilgjengeleg erstatningsferje. Tidlegare har det vore svært uvanleg med driftsstans på sambandet, og det er vanskeleg å sjå kvifor trafikantane no skal måtte finne seg i at dette har blitt eit meir eller mindre vanleg fenomen. Underteikna kjenner heller ikkje til nokon andre riks- eller europavegsamband med så dårleg regularitet. Sambandet over Nordfjorden er sterkt trafikkert, går langs ein viktig europaveg, og er av avgjerande viktigheit for dei mange som er avhengige av å kome seg over fjorden for daglege jobbreiser.
Spørsmålet er korleis staten, som er ansvarleg for sambandet, kan stille krav til ferjedrifta som sørgjer for at folk slepp å lure på om ferja går eller ikkje, og sikre den gode regulariteten som folk i området er vant med.