Geir Pollestad (Sp): Vil regjeringa legge til grunn Stortinget sin jordbrukspolitikk slik den er nedfelt i Innst. 251 S (2016-2017) for sin jordbrukspolitikk eller vil ein berre leggje til grunn politikken som H, FrP, V og KrF står bak?
Begrunnelse
I regjeringsplattformen vert det berre peika på den semja som H, FrP, V og KrF hadde i innstillinga. Innstillinga inneheld ei rekkje fleirtalsmerknader med kryssande fleirtal med det hovudtrekk at det er fleire merknader der H og FrP ikkje står bak.
For å få oppklara dette vart det gjort eit forsøk i spørjetimen 17.01.18 på å få statsråden til å avklare dette. Eg merka meg at statsråden ga eit svar som er meir eigna til å forvirra enn til å oppklara:
«Utsegna om at statsråden ikkje har tenkt å følgje opp Stortingets vedtak heile tida, er det ikkje grunnlag for. Tvert imot seier vi jo i denne regjeringsplattforma at vi vil basere hovudlinene i landbrukspolitikken på den forståinga som dei fire ikkje-sosialistiske partia stilte seg bak. Dei partia har framleis fleirtal.»
Eg vil ha ei avklaring på om ein legg til grunn fleirtalets politikk i innstillinga utan omsyn til kven som står bak. Så er det skjedd ei politisk endring etter at meldinga vart vedteken nemleg at H, Frp, V ikkje lengre har fleirtal i stortinget.