Liv Signe Navarsete (Sp): Kvifor tillet statsråden at Widerøe forringar tilbodet til reisande frå Sogndal Lufthamn gjennom at fleire fly til Oslo går via Florø, og kva vil han gjere for å sikre at tilbodet vert betra med fleire direkteruter og betre regularitet?
Begrunnelse
Sogndal Lufthamn er eit viktig tilbod til næringsliv, offentleg sektor og private reisande i Sogn. Det har lenge vore arbeidd for fleire direkteruter, og for at morgonflyet skal stå i Sogndal over natta for å gje betre regularitet på flyruta til Oslo. I staden for å betre tenestene til dei reisande i Sogn opplever ein no at Widerøe har lagt fleire ruter via Florø. Det gir om lag dobbel reisetid og har same verknad som om reisande frå Oslo til Trondheim skulle reise via Bergen. Tal reisande går ned som følgje av dette, og ein risikerer ein negativ spiral med enno dårlegare tilbod.