Begrunnelse

Norad arbeidar no med ein ny strategisk innretting på informasjonsstøtta, som er på høyring hos organisasjonane. Fram til 2014 var denne viktige informasjonsstøtta, som Norad forvaltar ovanfor norsk sivilsamfunn, ein eigen post i Statsbudsjettet (tilskot til opplysningsarbeid). Dette har sikra ei brei politisk forankring på Stortinget av føringane for denne støtta, som er «å fremje demokratisk deltaking, kritisk debatt og kunnskap om utviklingspolitiske tema». Dette har også beskytta ordninga mot politisk styring frå den til ein kvar tid sittande regjering og sikra ordninga legitimitet. Ordninga har i ei årrekkje gjeve gode resultat i tråd med Stortingets føringar. Sidan har omtala av denne støtta gradvis blitt svekka i budsjetta. I budsjettet for inneverande år blei det heller ikkje føreslått nokon bevilging.
Bevilginga til dette føremålet har ikkje auka sidan 2011 og har sidan logge stabilt kr. 60 millionar, noko som reduserer bevilginga si relative storleik i takt med den årlege inflasjon – sidan 2011 utgjer dette over 10 millionar kroner. Norads høyringsnotat om ny innretting som blei sendt ut 7. februar har vakt undring og uro i fleire organisasjonar, og ungdomspartia har stilt relevante spørsmål ved fleire problematiske aspekt ved høyringsnotatet. I lys av dette er det desto viktigare for Stortinget å kunne følgje Norads arbeid med informasjonsstøtta. Eit grep for å gjere dette mogeleg er å attinnføre informasjonsstøtta som eigen post i statsbudsjettet for 2021.