Skriftlig spørsmål fra Ole André Myhrvold (Sp) til statsministeren

Dokument nr. 15:1799 (2019-2020)
Innlevert: 02.06.2020
Sendt: 03.06.2020
Rette vedkommende: Klima- og miljøministeren
Besvart: 11.06.2020 av klima- og miljøminister Sveinung Rotevatn

Ole André Myhrvold (Sp)

Spørsmål

Ole André Myhrvold (Sp): Hvilke instrukser og føringer gir regjeringen fylkesmannen når kryssende miljøinteresser som beskrevet i begrunnelsen og denne saken oppstår, og hvordan vil regjeringen bidra til at Fortums planlagte gjenvinningsanlegg for plast i Indre Østfold kommune kan realiseres?

Begrunnelse

Fortum planlegger å bygge Nordens største gjenvinningsanlegg for plast på Holtskogen i Østfold. Anlegget vil i full drift føre til en reduksjon på om lag 100 000 tonn CO2 i året og være en viktig bidragsyter i klimaregnskapet. Dessverre møter Fortum nå stor motstand mot prosjektet hos fylkesmannen på grunn av utfordringer på avløpsiden som den nyetablerte Indre Østfold kommune har arvet fra de tidligere kommunene. Samtidig tar den nye kommunen nå store grep for å få orden på situasjonen.
Søknaden om påslipp av avløpsvannet på det kommunale ledningsnettet har nå ligget til behandling i 11 måneder hos fylkesmannen uten at det har blitt konkludert.
Fortum har nå strukket seg svært langt med hensyn til å utsette sine frister i et presset leverandørmarked, og det gjør at de neppe kommer til å anke et mulig avslag i saken. Prosjektet henger således i en svært tynn tråd.
I denne saken er det åpenbart at den regionale stat representert ved fylkesmannen må veie kryssende miljøhensyn opp mot hverandre.

Sveinung Rotevatn (V)

Svar

Sveinung Rotevatn: Eg meiner det er viktig å bidra til auka materialgjenvinning av plast mellom anna for å nå målsetjingane om auka materialgjenvinning fram mot 2035, samstundes som det bidrar til omstillinga til ein sirkulær plastøkonomi.
Rolla til forureiningsstyresmakta i saker som dette, er ikkje å ta stilling til lokaliseringa, men å vurdere alle miljøkonsekvensar ved den planlagde drifta slik verksemda har beskrive det i søknaden. I samband med saksbehandlinga av ein søknad om å etablere eit anlegg for materialgjenvinning av avfall, må forureiningsstyresmakta vurdere om den planlagde drifta vil vere i strid med aktuelt regelverk, og kva moglegheiter det er for å gjennomføre tiltak som kan redusere miljøpåverknaden til eit akseptabelt nivå ut frå kunnskap om lokale forhold.
Sidan materialgjenvinning av plast medfører eit betydeleg vassforbruk til vasking av mottatt plast, er det viktig at slike verksemder vel lokalisering med god tilgang på vatn og moglegheiter for adekvat handtering av overskotsvatnet frå prosessen.
På linje med andre verksemder, er det ingen automatikk i at påslipp til kommunalt nett er den beste miljømessige handteringsløysinga for prosessvatnet. I dei tilfella der påslipp til kommunalt nett ikkje er aktuelt, er det vanleg at verksemdene greier ut moglegheiter for å etablere eiga reinseløysing med direkte utslepp til resipient. Kor omfattande reinsing dette vil innebere, må tilpassast innhaldet i prosessvatnet og miljøtilstanden til resipienten.
Fylkesmannen i Oslo og Viken har opplyst at dei framleis har søknaden frå Fortum til behandling. Søknaden vart mottatt i juli 2019, og gjeld løyve etter forureiningslova som avfallsanlegg. Fylkesmannen har sidan dei fekk søknaden hatt ei aktiv oppfølging med mellom anna etterlysing av tilleggsdokumentasjon frå Fortum, og først i november fanst det eit tilstrekkeleg dokumentasjonsgrunnlag til at saksbehandlinga kunne starte. Saka er no til behandling og vil bli vurdert på vanleg måte etter forureiningslova. Fylkesmannens vedtak kan klagast på etter dei alminnelege reglane om klage for forvaltningsvedtak.