Skriftlig spørsmål fra Siv Mossleth (Sp) til klima- og miljøministeren

Dokument nr. 15:2761 (2019-2020)
Innlevert: 27.09.2020
Sendt: 28.09.2020
Besvart: 01.10.2020 av klima- og miljøminister Sveinung Rotevatn

Siv Mossleth (Sp)

Spørsmål

Siv Mossleth (Sp): Midtre nordland nasjonalparkstyre søkte om nærmere 8 mill. i tiltaksmidler for 2020, men endte opp med knappe 900 tusen. Midtre Nordland består av fem nasjonalparker, to LVO og sju NR. Beløpet er kun marginalt større en tiltaksmidler til et nasjonalparkstyre med en nasjonalpark.
Hva er grunnen til at et så stort område tildeles så lite midler, hva er kriteriene for tildeling, og bør Midtre Nordland splitte opp forvaltninga i minst fem styrer for å få nødvendige tiltaksmidler?

Begrunnelse

Midtre Nordland nasjonalparkstyre forvalter nesten 20 % av Norges vernede areal. Nasjonalparkforvlaterene har arbeidssted ved Nordland nasjonalparksenter, som er et besøkssenter, galleri og knutepunkt.

Sveinung Rotevatn (V)

Svar

Sveinung Rotevatn: Det overordna målet for forvaltning av verneområda er å ivareta verneformålet og verneverdiane i det enkelte verneområdet. Tiltaksmidlar til dette blir tildelt frå post 1420.31 Tiltak i verneområde. Postomtalen gir rammene for korleis tiltaksmidla skal disponerast. Midlane skal gå til tiltak som er naudsynte for å ta vare på verneverdiane, informasjonstiltak og skjøtsels- og tilretteleggingstiltak. Tiltaka skal vere forankra i ein skjøtsels- eller forvaltningsplan, ein besøksstrategi for området eller andre relevante styringsdokument. Miljødirektoratet tildeler midlane ut frå søknader frå nasjonalpark- og verneområdestyra.
Tiltak innan formålet med posten og gjeldande strategiar vil utløyse midlar, men storleiken på budsjettposten gir rammene for tildeling. Verneområde- og nasjonalparkstyra får derfor ikkje alltid tildelt alle midlane dei søker om. Det er heller ikkje slik at styra får ei grunntildeling over 1420.31 uavhengig av kva for tiltak dei planlegg. Om det er eit eller fleire styre i eit område, spelar derfor ikkje noko rolle for tildeling av tiltaksmidlar. Det avgjerande er om dei aktuelle tiltaka er innafor formålet med posten og storleiken på budsjettposten.
I år søkte Midtre Nordland nasjonalparkstyre om kr. 4 405 000,- over 1420.31. Styret fekk utbetalt kr. 1 900 000 over hovudtildelinga. I tillegg fekk styret midlar som det søkte om i etterkant; kr. 210 000,-.
Midtre Nordland nasjonalparkstyre har altså i 2020 samla fått kr 2 110 000,- til tiltak i dei verneområda dei har ansvar for, og ikkje knappe kr 900 000,- slik representanten Mossleth legg til grunn.
Eg har fått opplyst frå Miljødirektoratet at fleire av tiltaka styret søkte om midlar til, fall utanfor formålet med tildeling av tiltaksmidlar over kap. 1420.31, som t.d. vedlikehald av Statsskog sine hytter i verneområda, drift av toalett og parkeringsplass og skilting langs E6. Av tiltaka som var innafor gjeldande strategiar og formål til post 31, var det i 2020 ca. kr. 775 000,- som ikkje blei innvilga pga. budsjettramma.
Alle nasjonalparkar skal ha ein besøksstrategi som nasjonalparkstyra er ansvarlege for å utarbeide. Midtre Nordland nasjonalparkstyre har i år fått kr 880 000,- til arbeidet med forvaltningsplan med besøksstrategiar. Som hovudregel blir det ikkje innvilga midlar til besøksforvaltningstiltak før besøksstrategiane er ferdige. Midtre Nordland søkte om
kr. 1 150 000,- til tiltak i nasjonalparkar som førebels ikkje har godkjent besøksstrategi; Saltfjellet-Svartisen og Làkho.
Nasjonalparkstyra får også driftsmidlar frå Miljødirektoratet kvart år. I år har Midtre Nordland nasjonalparkstyre fått kr 600 000 til dette, og ikkje kr 720 000,- slik dei søkte om. Tildeling av driftsmidlane er òg avhengig av budsjettramma.
Forvaltning av verneområda er viktig. Det er derfor bra at nasjonalparkstyret har store ambisjonar for forvaltninga av nasjonalparkane og dei andre aktuelle verneområda i Midtre Nordland. Eg har stor forståing for at ein alltid kan ønskje seg meir pengar til dette viktige arbeidet. Eg er derfor glad for at det har vore ein betydeleg auke i midlane til forvaltning av verneområde dei seinare åra.