Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:961 (2020-2021) Innlevert: 15.01.2021 Sendt: 18.01.2021 Besvart: 23.01.2021 av klima- og miljøminister Sveinung Rotevatn
Kari Henriksen (A): Gjennom klimasatsstøtte har fullriggeren Sørlandet fått støtte til å installere miljøvennlig batteriløsning for å produsere strøm. Dette er et tydelig og attraktivt symbol på innføring og bruk av klimavennlig teknologi i Verdens eldste seilende kulturminne. Arbeidet er forsinket i hht. regjeringens krav, delvis på grunn av vernegraden og koronasituasjonen. Regjeringen varslet at statsstøtten trekkes tilbake. Vil regjeringen, og hvordan, sørge for at fullriggeren Sørlandet får mulighet til å fullføre ombyggingen?
Sveinung Rotevatn: Klimasats-ordninga har som formål å fremje klimatiltak i kommunar og fylkeskommunar ved å støtte prosjekt som fører til reduserte klimagassutslepp og omstilling til lågutsleppssamfunnet. Ordninga er heimla i forskrift om tilskot til klimatiltak i kommunane og blir forvalta av Miljødirektoratet. Miljødirektoratet har fagleg fridom til å prioritere mellom og gi stønad til enkeltprosjekt innanfor regelverket. Avgjerdene i forvaltningslova om klage gjeld ikkje tilskot til kommunar etter denne forskrifta.Klima- og miljødepartementet har vore i kontakt med Miljødirektoratet som opplyser at Kristiansand kommune i september 2019 fekk tilbod om tilsegn om kr 6 224 600 til hybridelektrisk løysing i Fullriggeren Sørlandet. Kommunen har enno ikkje akseptert tilsegna. I følgje instruks til Miljødirektoratet frå Klima- og miljødepartementet skal tilsegn om tilskot normalt ikkje bli gitt for lengre tid enn tre år, dvs. året tilsegn blei gitt pluss to år til. Unnataksvis kan tilsegn givast for inntil 5 år. Tilsegn blir trekt tilbake dersom tiltaka ikkje er gjennomførte innanfor tilsegnsperioden. Betaling skjer som hovudregel i etterkant av gjennomføring av tiltaket. Miljødirektoratet opplyser at dei er kjende med utfordringar knytt til finansiering og framdrift i ombygginga, og at pandemien har gitt ytterlegare utfordringar. Miljødirektoratet opplyser at dei difor har vore opne for å nytte moglegheitene til å overføre støtta til kommunen så langt fram i tid som mogleg, det vil seie til slutten av 2023. Kommunen har òg moglegheit til å sende inn ein ny og oppdatert søknad innan fristen 15. februar 2021. Ei eventuell ny tilsegn kan givast med fornya varigheit, inntil utgangen av 2025. I tråd med reglane for tilskotsordninga vil ein ny søknad då konkurrere om midlar med andre søknader i same periode.