Begrunnelse

Eg er gjort kjent med at attendemeldingane frå Domstoladministrasjonen er sprikande på kva fleirtalet på Stortinget eigentleg har bede om for Nord-Gudbrandsdal jordskifterett. I Virksomheitsplanen for Vestoppland og Sør-Gudbrandsdal jordskifterett og Nord-Gudbrandsdal jordskifterett står det at Stortinget har bede Domstoladministrasjonen om å prøve å rekruttere ein fast dommar til Nord-Gudbrandsdal jordskifterett i Vågå. Samtidig uttalar direktøren i Domstoladministrasjonen, Sven Marius Urke, at eit fleirtal i Stortinget har bede Domstoladministrasjonen å prøve å bemanne Nord-Gudbrandsdal jordskifterett. Dette skapar forvirring over kva som eigentleg er vedteke og korleis dette skal gjennomførast. Det er ikkje det same å rekruttere ein fast jordskiftedommar som at domstolen skal gjenopprettast eller bemannast.
Regjeringspartia og Frp inngjekk ei avtale «En moderne domstolsreform» der dei også nemner situasjonen ved jordskifteretten i Nord-Gudbrandsdal med tanke på å sikre ein bemanna jordskifterett. I utgangspunktet hadde denne jordskifteretten 2 jordskiftedommarar, 2 ingeniørar og ein saksbehandlar. Frå 2014 har Nord-Gudbrandsdal jordskifterett vore ein domstol utan bemanning eller lokale og det er på ingen måte ein situasjon vi i Oppland støttar. Alle sakar blir behandla frå Vestoppland og Sør-Gudbrandsdal.