Liv Signe Navarsete (Sp): Kva gjer den norske regjeringa for å påverke den stadig forverra situasjonen for menneskerettar i Bahrain og er det i dag eit fellesskandinavisk initiativ for å hjelpe dei fengsla skandinaviske aktivistane?
Begrunnelse
Situasjonen i Bahrain har sitt ei negativ utvikling sidan 2011. Ein har vore vitne til ei stor svekking av menneskerettar. Opposisjonsparti er suspendert, media er ikkje lengre uavhengig, innbyggjarar vert fengsla for å delta i fredlege protestar og dødsstraff vert stadig meir utbredt. Bahrain er eit rikt land og har mykje olje så levestandaren er høgare enn i mange andre land i regionen. Samstundes ser ein utstrakt bruk av statleg diskriminering av ulike grupper. Landet har eit godt forhold til mange vestlege land og særskilt USA og Storbritannia.
To skandinaviske aktivistar, ein svensk-bahrainsk og ein dansk-bahrainsk sit i dag fengsla i Bahrain for å ha deltatt på fredlege prostestar i 2011. Mohammad Habib Al-Muqdad og Abdulhadi Al-Khawaja har vorte utsatt for omfattande tortur i fengsel. Dei sit fortsatt fengsla for å ha nytta ytringsfridommen sin.