Begrunnelse

Nyleg vart forslag til ny NTP lagt fram av regjeringa med prioritering av fellesprosjektet K5 Bergensbanen og E16 Arna-Stanghelle inn i fyrste periode av komande NTP. Statsministeren har også uttalt i media at Regjeringa ynskjer oppstart av bygging av K5 i 2024.
På vegvesenet sine nettsider om framdrifta for K5 prosjektet kan ein lese fyljande:

«Med godkjent reguleringsplan medio 2021, prioritering av prosjektet i NTP 2022-33 og nødvendige løyvingar, er det mogleg med byggestart i 2024.»

På nettsida kan ein også lese pr. 09.04.2021 at reguleringsplanforslaget er sendt KMD i desember 2020, og at dato per no ikkje er sett for når reguleringsplanen vert lagt ut til offentleg ettersyn (høyring).
K5 prosjektet er som kjent eit prosjekt med både lokale, regionale og nasjonale aspekt, då ferdig prosjekt t.d. vil binde Aust og Vestlandet endå tettare saman med raskare, tryggare og pålitelig Bergensbane for person og godstrafikk.
Regionalt vil prosjektet utvide bu og arbeidsregionen rundt Bergen med trygg og langt raskare veg og Intercitybane Bergen-Stanghelle og etter kvart Voss.
Lokalt i Arna og tettstadane i Vaksdal kommune vil prosjektet kunne bidra til stor auke i folketal og næringsutvikling. Størst spenning i samband med endeleg reguleringsplan for kva lokale moglegheiter (eller evt. utfordringar) prosjektet vil gje, knyttar seg på Vaksdal naturleg nok til endeleg val av trase gjennom Vaksdalsbygda.
Her har Vaksdal kommune gjennom heile planprosessen vore tydeleg på at det er viktig å velje B2 alternativet gjennom Tolåsen, for å sikre at det framleis er eit samla bygdesentrum å utvikle etter prosjektet er ferdigstilt. SVV sitt arbeid med reguleringsplanen har jo også gledeleg nok etterkvart vist at kostnads forskjellen mellom Alt. B1 og B2 er marginal, så kommunen og spørsmållstiller håpar statsråden i sin endelege reguleringsplan vel alternativ B2-Tolåsen