Skriftlig spørsmål fra Lars Haltbrekken (SV) til klima- og miljøministeren

Dokument nr. 15:1946 (2020-2021)
Innlevert: 16.04.2021
Sendt: 19.04.2021
Besvart: 26.04.2021 av klima- og miljøminister Sveinung Rotevatn

Lars Haltbrekken (SV)

Spørsmål

Lars Haltbrekken (SV): Vil klima- og miljøvernministeren sørge for at Grimstad kommunes ønske om å gjøre Hasseltangen industriområde om til et natur og friluftsområde slik kommunestyrets flertall ønsker?

Begrunnelse

Hasseltangen er et unikt og mye benyttet tur- og rekreasjonsområde i Grimstad kommune. Industriområdet ligger omkranset av vernet natur.
Flertallet i Grimstad kommunestyre ønsker nå å tilbakeføre dette industriområdet til naturen og friluftslivet. Området ligger midt i et verneområdet og er av nasjonal interesse.
Det er en stor seier at det nå er et politisk flertall for en så stor sak om tilbakeføring av området til naturen. Det er en unik mulighet til å få et stort og sammenhengende landskapsvernområdet.
Det er anslått at det vil ha en prislapp på cirka 45 millioner og det er blant annet startet kronerulling. Men prosjektet vil naturligvis trenge statlig støtte.

Sveinung Rotevatn (V)

Svar

Sveinung Rotevatn: Staten har i dag ikkje ordningar innretta for å kjøpe opp industriområde eller tilsvarande byggeområde for å føre området tilbake til natur. Staten har ei ordning for økonomisk støtte til kommunar for å kjøpe opp areal som kan nyttast til friluftsområde. Ein søknad om slik statleg støtte må sendast frå kommunen til Miljødirektoratet. Eg kan ikkje forskottere ei behandling av ein slik søknad, men eg gjer merksam på at ordninga som hovudregel gjeld naturområde og ikkje sterkt utbygde areal, slik som på Hasseltangen.
Endra bruk og nedbygging av naturområde er blant dei største utfordringane for naturmangfald i verda i dag. FN har difor vedteke at perioden 2021-2030 skal vere naturrestaureringa sitt tiår. Første prioritet i Noreg er å forvalte naturen slik at omfattande restaurering ikkje er naudsynt. Samstundes er restaurering aktuell også i Noreg. Vi har opparbeid ein del kunnskap om slik naturrestaurering i Noreg. Til dømes har Forsvaret restaurert sitt gamle skyteområde på Dovrefjell tilbake til natur. Dette er omfattande og kostnadskrevjande tiltak og vi må difor skaffe oss best mogeleg kunnskap om korleis vi skal nytte dette verkemiddelet i framtida. I dag har vi særleg teke dette i bruk for restaurering av vassdrag og myr og anna våtmark, men foreløpig ikkje meir systematisk for andre naturtypar.
Miljødirektoratet har i 2021 fått i oppdrag å

”Levere en utredning med anbefaling om konkrete og prioriterte restaureringsprosjekter i terrestriske økosystemer, som kan iverksettes raskt med grunnlag i kjent metodikk".

Eg viser elles til mitt svar 15. april 2021 til Stortinget på eit spørsmål frå representant Tellef Inge Mørland om same sak.