Skriftlig spørsmål fra Lars Haltbrekken (SV) til klima- og miljøministeren

Dokument nr. 15:2737 (2020-2021)
Innlevert: 05.08.2021
Sendt: 05.08.2021
Besvart: 13.08.2021 av klima- og miljøminister Sveinung Rotevatn

Lars Haltbrekken (SV)

Spørsmål

Lars Haltbrekken (SV): Flere gjenvinningsanleggene har problem med at folk leverer søppel i svarte sekker. Da kan de ikke se om det skjuler seg ting slik som farlig avfall som er kastet feil.
Er det mulig å forby svarte plastsekker for å kaste avfall, og vil statsråden i tilfelle ta initiativ?

Begrunnelse

Ifølge Norsk Miljøkompetanse (NOMIKO), viser en kartlegging av brannårsaker på avfallsanlegg at de fleste brannene er forbundet med restavfall. Selvantenning er viktigste årsak, etterfulgt av batterier. Et tiltak er derfor å stoppe bruken av de sorte sekkene for å minimere risikoen for at lett antennelig og farlig avfall havner i restavfallet. Svarte, eller ikke transparente, søppelsekker brukes ofte for å skjule avfall som egentlig skulle vært sortert og utgjør derfor en fare for anleggene.

Sveinung Rotevatn (V)

Svar

Sveinung Rotevatn: Som representant Haltbrekken viser til, er det brannfare forbunde med handtering av restavfall som inneheld farleg avfall. Hausten 2020 gjennomførte Miljødirektoratet, Direktoratet for samfunnssikkerhet og beredskap (DSB), brann- og redningsvesen og statsforvaltarar eit landsdekkande tilsyn med brannsikkerheit ved 145 norske avfallsanlegg. Det viste seg at 50 anlegg hadde manglar i sine brannrisikoanalysar, og 15 avfallsanlegg fekk avvik grunna store mengder usortert avfall, kor brannrisikoen ikkje var vurdert.
Anlegg som tar imot avfall, har ansvar for mottakskontroll. Det er verksemdene sjølv som til ei kvar tid har ansvar for å gjennomføre tilfredsstillande tiltak, og det viktig å finne gode tiltak ut frå lokale forhold. Mange avfallsselskap, både private og kommunale, har innført lokale forbod mot levering av avfall i svarte eller farga (ikkje gjennomsiktige) sekker. Forbod mot innlevering av avfall i slike sekker kan vere eit godt tiltak hos den enkelte aktør.
Avfallsanlegga er svært forskjellege med omsyn til kva slags typar og mengde avfall dei tar imot, korleis avfallet vert lagra og behandla, som igjen inneberer at blant anna risiko for brann vil variere frå anlegg til anlegg. Verksemdene har sjølv ansvar for mottak av avfall og sikkerheit. Kunnskapen om risikoen for brann, utslepp, m.m. må ligge lokalt, hos eigar og verksemd.
Eksisterande regelverk stiller allereie krav om mottakskontroll, og det er opp til anlegga å stille krav til levering for å sikre best mogleg avfallssortering.
Miljødirektoratet vil jobbe vidare med funna frå aksjonen for å oppnå auka merksemd rundt brannførebygging og å redusere miljøpåverknad av brannar ved avfallsanlegg, som oppfølging av funna i tilsynet gjennomført hausten 2020. Erfaringane vil blant anna verte brukt til å vurdere om det er behov for endringar av krav som vert stilt i tillatingane til anlegga, og om det er behov for å utarbeide rettleiingsmateriell på dette feltet.