Frank Edvard Sve (FrP): Kan statsråden gjere greie for og dokumentere om det er brukt ulike berekningsgrunnlag i samanlikningane av dei to kryssingsalternativa over Romsdalsfjorden ved prosjekta Møreaksen og Romsdalsaksen, da dette gjeldande for undersjøisk tunnel, andre tunneler og bruer, og samtidig forklare kva som er grunnlaget for at rapporten frå Statens vegvesen/Norconsult i tilleggsutgreiinga for fjordkryssingsalternativet Romsdalsaksen samanlikna med prosjektet Møreaksen, ser ut til å bruke ulike berekningsgrunnlag?
Begrunnelse
Samferdselsministeren svara på mitt spørsmål nr. 882, at det ikkje kan besvarast med bakgrunn i at meterprisar og grunnlag som er nytta er unnateke offentligheit av Statens vegvesen.
Media og andre partar i saka ang Møreaksen og Romsdalsaksen har fått samme svaret frå Statens vegvesen i ulike innsynskrav.
Sak ikring Statens vegvesen sitt hemmelighold ang. desse samanlikningsgrunnlaga er heilt vesentleg, og som er heile grunnlaget for å kunne samanlikne prosjekta reelt.
Avisa Tidens krav avdekka tidligare i 2021 omfattande kritikkverdige forhold ikring Statens vegvesen sin behandling av kryssingsalternativa over Romsdalsfjorden, som medførte at blant anna Fylkestinget i Møre og Romsdal krevde ny og uavhengig vurdering av Romsdalsaksen som alternativ for fjordkryssing.
Når rapport ang dette vart framlagt igjen med Statens vegvesen som oppdragsgjevar, vart dette gjort utan at grunnlagsdokumentasjonen er offentlig. Såleis kan INGEN vurdere innhaldet eller kontrollere Statens vegvesen sine grunnlag og bakgrunn for sine valg.
Desse innsynskrava og forhold ikring dette er også klaga vidare til Sivilombudsmannen, med beskjed om at dei ikkje har kompetanse til å kunne vurdere ei slik klage.
Såleis kan det sjå ut til at INGEN får reell muligheit til innsyn i kva Statens vegvesen egentlig driver med i saka ang. Møreaksen og korleis dette faktisk er berekna reelt opp mot alternativet Romsdalsaksen. Det er også stilt kritiske spørsmål om korleis Møreaksen kan opperere med dei kostnadsanslaga dei har ang Møreaksen. Døme på dette er den undersjøisk tunell i prosjektet som er i verdensrekordklassen, har kostnadsanslag som ikkje stemmer med erfaringstall frå til dømes Roggfast og andre samanliknbare prosjekt. Statens vegvesen nektar innsyn, media og andre partar får ikkje innsyn, fylkestinget får ikkje innsyn, og no nektar altså samferdselsministeren innsyn til ein stortingsrepresentant.
" Kven kan då drive tilsyn med Statens vegvesen i denne saka" ?
Eg stiller på nytt mitt spørsmål til statsråden, men no ved at statsråden skal forklare kvifor det er brukt ulike beregningsgrunnlag, og kvifor dette er så omfattande underlagt tausheit ikring eit prosjekt til mange titals milliard kr.
Presidentskapet vert kopla inn, dersom eg ikkje får svar og innsyn i dette.