Begrunnelse

Jernbanen og jernbanehistoria bind store delar av Noreg saman. Museumstog på det nasjonale nettet gir dei delane av landet som ikkje har eigne museumsbanar høve til å alle sjå og lære korleis den teknologiske utviklinga på jernbanen har vore dei siste 160 åra.
I Hurdalsplattformen har regjeringa skrive at ein «i større grad vil legge til rette for at museumsbanane og historisk jernbanemateriell blir varetatte». Drifta på norske museumsjernbanar blir i dag forvalta i hovudsak av frivillige, som kvart einaste år legg ned titusenvis av timar med dugnadsarbeid. Mykje av dette arbeidet krev høg kompetanse i ulike fag. Dei held ved like, restaurerer og bemannar tog, og dei står for sal og marknadsføring av historiske togreiser både på det nasjonale jernbanenettet og på museumsbanane. Gjennom denne innsatsen blir jernbanehistoria formidla og -utviklinga til barn ungdom og alle interesserte i kultur- og teknologihistorie.
Under førre regjering opplevde ein ei fantastisk feiring av Dovrebana sitt 100-årsjubileum, der ein set opp museumstog frå Oslo til Trondheim og tilbake. Toget var i sin heilskap bemanna av frivillige frå Norsk Museumstog, ein del av Norsk Jernbaneklubb. Totalt vart det lagt ned frivillig arbeid for mange hundre tusen kroner, berre i dette eine prosjektet.
Norsk Jernbaneklubb driv forutan museumstog på det nasjonale nettet museumsbanane Krøderbanen i tidlegare Buskerud, og Gamle Vossebanen utanfor Bergen. Klubben bidrar såleis med eit tilbod både på «lukka banar» der ein sjølv held ved like og driftar infrastruktur og støttetenester, og på det nasjonale jernbanenettet, der ein er avhengig av bistand både frå Bane NOR, og frå Jernbanedirektoratet med omsyn til formelle godkjenningar.
I 2022 er det frivillighetens år. Ei rekke jernbanestrekningar har også jubilé i 2022.