Frank Edvard Sve (FrP): Korleis kan Samferdselsministeren stille seg bak at Statens vegvesen legg inn omfattande bompengar på strekninga E39/136 Vik til Ørskogfjelllet der trafikken på E136 skal måtte betale bompengar for nokre hundre meter veg for finansiering av Møreaksen som denne trafikken ikkje har nytte av (Trafikken er betydeleg frå Ålesund til Vik, noko som betyr at dersom dette blir gjennomført så vil Sunnmøringane måtte betale ein svært stor del av finansieringa av Møreaksen, som blir oppfatta som eit direkte "RAN")?
Begrunnelse
Samferdselsutvalget i Møre og Romsdal fylke har i sitt møte den 27/10-2021 behandla høyring frå Statens vegvesen ang E39 Ålesund -Molde del Digerneset- Ørskogfjellet.
«Samferdselsutvalet vil gje følgjande innspel til planarbeidet:
Fylkeskommunedirektøren sitt notat av 14.10.2021 viser at planarbeidet vil utfordre mange av berekraftmåla, både nasjonale og regionale.
Som døme vil
- veg i dagen gjennom Solnørdalen sette til side nasjonale og lokale verneplanar og øydelegge bumiljø, landbruksområde, friluftsområde og naturmangfald
- dei trasèane som er skissert med veg i dagen gjennom Svorta-Valleområdet vere uakseptable for bumiljø, jordvern og for kvalitetane i strandsonen
- dei skisserte trasèane ikkje bidra til mindre energibruk og klimagassutslepp på grunn av stigningsforhold og lengde
- tilknytinga til E 39/E136 frå kommunane både frå indre og ytre bli dårlegare enn i dag
Det er allereie kome mange og godt grunngjevne innspel frå berørte partar, og også med forslag og krav om alternative trasèar.
På bakgrunn av dette vil samferdselsutvalet tilrå at Statens vegvesen ber om nytt og utvida mandat for å sjå på det beste trasèvalet for strekninga Ålesund-Vestnes.»
Det er total forvirring ikring trasevalg og løysingar for ny E39/136 frå Digerneset til Ørskskogfjellet, og frustrasjonen er stor i Ålesundsregionen samt resten av Sunnmøre.
E136 Eksportvegen for Møre og Romsdal er fylkest sin viktigaste veg, som går frå Ålesund til Bjorli. I planarbeidet frå STVV er heile traseen frå Ålesund til Tresfjordbrua endra frå det opprinnelege som skulle vere firefeltsveg som no har blitt stort sett planar om tofelts og lågare fart. Statens vegvesen held på med framlegg om reguleringsplan frå Vik til Ørskogfjellet, eit framlegg som er totalt greinalaust med tanke på fokuset på E136. Trafikken frå Tresfjordbruka og E136 er tenkt lagt under E39 til Molde og med stor stigning og ei løysing som er totalt uakseptabel.
Statens vegvesen har altså tenkt å dele opp ny E39/136 med fleire bompengeproposisjonar, der ein i del Vik til Ørskogfjellet har planlagt bompengar på all trafikken til E136, som i realiteten er eit "RAN" av næringstrafikken ut av Møre og Romsdal for å finansiere ei fjordkryssing av Møreaksen som denne trafikken ikkje har nytte av.