Skriftlig spørsmål fra Silje Hjemdal (FrP) til barne- og familieministeren

Dokument nr. 15:2152 (2021-2022)
Innlevert: 24.05.2022
Sendt: 25.05.2022
Besvart: 02.06.2022 av barne- og familieminister Kjersti Toppe

Silje Hjemdal (FrP)

Spørsmål

Silje Hjemdal (FrP): Kan statsråden redegjøre for hva som konkret gjøres for å gi barn, som er under barnevernets omsorg, trygghet og nødvendig helsehjelp?

Begrunnelse

Foreldres største mareritt er å miste et barn. For kort tid siden kunne vi lese i bla BA og BT om den grusomme saken som omhandlet en jente på 13 år som ble sviktet av systemet. Det fikk verst tenkelig utfall. For foreldre som har tiltro til at det offentlige skal ivareta barna deres på en god måte, må dette oppleves som et enormt svik.
Saken viser at barn og unge som har behov for helsehjelp og kanskje er i faresonen for selvskading og/eller selvmord ikke blir ivaretatt tilstrekkelig. Det er åpenbart at barnevernet har en lovpålagt og moralsk plikt til å avdekke alle eventuelle risikotilfeller. Dernest er det en klar plikt til å iverksette alle nødvendige tiltak for å sikre at barnet ikke kommer til skade.
Det må forventes at alle eventuelle svakheter som avdekkes i denne saken, av Bufdir, politiets undersøkelsessak, eller Statsforvalterens tilsynssak av barnevernet og av helsetilbudet som jenten har fått, må følges opp med konkrete tiltak. Disse tiltakene må gjennomføres uten ubegrunnet opphold, og ha som mål at slikt aldri kan få skje igjen.

Kjersti Toppe (Sp)

Svar

Kjersti Toppe: Det har i lang tid vore kjend at barn i barnevernet sin omsorg har større risiko for psykiske helseutfordringar, og at det er utfordringar knytt til å gje dei den helsehjelpa dei treng og har rett til. Barn sin tilgong til og nytte av helsehjelp, heng saman med at dei kjenner seg trygge der dei bur og har tillit til hjelparane, både i barnevernet og helsetenesta.
Dei seinare åra har det vore ei satsing i samarbeid mellom barnevernet og helsesektoren for at barn i barnevernet skal få betre tilgong til helsehjelp. Samstundes må vi erkjenne at vi ikkje har kome langt nok i arbeidet. Det er behov for ytterlegare innsatsar for sikre barn i barnevernet den helsehjelpa dei har krav på, på lik linje med andre barn. Det er dette som er bakgrunnen for at regjeringa i Hurdalsplattforma varslar både ei kvalitetsreform i barnevernet og at vi vil styrkje den psykiske helsehjelpa i barnevernet.
Eg er glad for at Stortinget i mars i år vedtok ei lovfesting av tverrfagleg helsekartlegging av barn som barnevernet vurderer å flytte ut av heimen. Helsekartlegging er eit viktig tiltak for å sikre at tenestene og omsorgspersonane rundt barnet har naudsynt kunnskap om barnet sine behov og utfordringar, slik at dei kan sørge for at barnet får rett hjelp til rett tid. Kunnskap om barnet sin helsesituasjon er òg svært viktig for å sikre ein stabil og trygg omsorgssituasjon og unngå flyttingar.
Helsedirektoratet og Barne-, ungdoms-, og familiedirektoratet har utarbeidd eit samhandlingsforløp for kartlegging og utgreiing av psykisk helse og rus hos barn og unge i barnevernet. Samhandlingsforløpet skal sikre betra samhandling mellom tenestene, klarare ansvarsdeling og at barn får meir effektiv og treffsikker hjelp. Forløpet er publisert, men vil i løpet av året bli utvida til òg å omfatte somatisk og seksuell helse, samt tannhelse. Det er planlagt aktivitetar for iverksetjing og opplæring om forløpet i 2023.
For ungdom i barnevernet med behov for langvarig omsorg utanfor heimen og stort behov for psykisk helsehjelp, er det etablert to institusjonar der helsepersonell og barnevernsfagleg tilsette arbeider side ved side. Tilbodet vart opna i 2018, og er under evaluering. Evalueringsrapporten er venta i desember 2023, og eg vil på bakgrunn av den vurdere vidare utvikling av dette tilbodet.
Samarbeid mellom tenestene er avgjerande for å sikre barna helsehjelpa dei har rett til. Sidan 2018 er det etablert samarbeidsavtalar mellom helseforetaka og barnevernsinstitusjonane. I tillegg skal alle institusjonane ha ein tilsett som er helseansvarleg og helseforetaka skal ha ein barnevernsansvarleg. Formålet med dette er å sikre gode rammevilkår for samarbeid mellom tenestene.
Tiltaka i helsesatsinga i barnevernet er under evaluering av Sintef. Evalueringa skal mellom anna hente data frå barn og unge i barnevernet og frå foreldre til barn i barnevernet. Studien skal etter planen vere ferdig i 2023, og vil kunne gje verdifull informasjon for å vidareutvikle eksisterande tiltak og utvikle nye satsingar. Eg vil arbeide vidare, i samarbeid med helse- og omsorgsministeren, for å sikre barn i barnevernet naudsynt helsehjelp til rett tid.