Skriftlig spørsmål fra Frank Edvard Sve (FrP) til samferdselsministeren

Dokument nr. 15:496 (2022-2023)
Innlevert: 23.11.2022
Sendt: 24.11.2022
Besvart: 01.12.2022 av samferdselsminister Jon-Ivar Nygård

Frank Edvard Sve (FrP)

Spørsmål

Frank Edvard Sve (FrP): Kan samferdselministeren leggje fram kva fagleg forankringar ein har i dette prosjektet ang jordskjelvsproblematikken, og dokumentere at bygging av ein gedigen undersjøisk tunell og snart verdensrekord i bru i dette området er forsvarleg med desse jordskjelvpåverknadane?

Begrunnelse

Prosjektet kryssing av Romsdalsfjorden med Møreaksen i Møre og Romsdal, er planlagt rett igjennom omfattande jordskjelvforkastningar.
Noko av dei største målte jordskjelva i regionen er målt i dette området i kring Midsund og området ikring.
Mange undrar seg over at det kan være forsvarleg å legge ein undersjøisk tunell ned mot 350-400 m under havoverflata, i noko av landets verste jordskjelvområder.
Det er også planlagt omlag ny verdensrekord i bru over Julsundet som også sjølvsagt er utsatt for uønska bevegelsar i form av store jordskjelv.

Jon-Ivar Nygård (A)

Svar

Jon-Ivar Nygård: Det er fare for jordskjelv i Norge, og omsyn må takast inn i planlegging av både veg og anna infrastruktur. Det er krav om dette i standardane for bru og tunnel.
For E39 Ålesund-Molde har det, i tillegg til Statens vegvesen sine egne ressursar, vore ei geologisk ekspertgruppe med deltakarar frå mellom anna Norges geologiske undersøkelse (NGU) og Norges teknisknaturvitenskapelige universitet (NTNU). Ekspertgruppa har følgt planlegginga av prosjektet frå 2015.
For tunnelen under Romsdalsfjorden er det gjort dei mest omfattande geologiske undersøkingane for ein undersjøisk tunnel i Noreg. Slik har Statens vegvesen god oversikt over kva for bergartar tunnelen vil gå gjennom og kor stor bergoverdekkinga er. Dette gjer det trygt både under bygging av tunnelen og når tunnelen opnar. Det gjer også at entreprenørane har et godt grunnlag for å kunne gi tilbod på arbeidet.
Det er stort sett grunnfjellsgneis i området for ny veg og tunnel, med innslag av andre bergartar. Det er bygd svært mange over- og undersjøiske tunnelar på Vestlandet i same type geologi. Møre-Trøndelag forkastningskompleks går gjennom området. Blant andre de undersjøiske tunnelane fv. 64 Fannefjordtunnelen, fv. 714 Hitratunnelen og fv. 714 Frøyatunnelen ligger i same forkastningskompleks. Dei nyopna tunnelane på fv. 659 Nordøyvegen ligger i utkant av komplekset. Også dei er sikre å køyre i.
Julsundbrua blir dimensjonert for å stå imot jordskjelv med styrkar som Norsar meiner er aktuelle. Norsk Standard/Eurokode NS-EN 1998-1 blir nytta til å berekna aktuelle laster som brua blir dimensjonert for, slik det er vanleg for slike bruer. Brua vil stå på dei same stabile bergmassane som den undersjøiske tunnelen vil gå gjennom og brukonstruksjonen er designa for å tole eventuell risting som følgje av jordskjelv.