Begrunnelse

Budsjettsituasjonen for fylkeskommunane har vore svært krevjande for budsjett 2023.
Dei skyhøge straum og drivstoffprisane samt begrensa rammer til fylkeskommunane har ført til kutt innan samferdsel i heile landet gjeldande fylkesvegane.
Fylka har måtte auke sine rammer innan samferdsel for å kompensere for denne prisveksten, men mange har gjennomført store kutt innan ferjedrift, drift og vegvedlikehald osv. på fylkesvegnettet, for å finansiere dette.
Berre i Møre og Romsdal er kutta innan samferdselssektoren for drift og utvikling av samferdselssektoren, fylkesvegnettet inkl. ferjedrifta på heile 130 mill. kroner for 2023. For posten fylkesvegar har fylket kutta heile 85 mill. kr for 2023, noko som rett og slett må være trafikkfarleg.
Fylkeskommunane står for ca. 44 000 km med fylkesvegar i heile landet, og ein stor del av ulykkene skjer også på desse vegane. Kutt av budsjetta til samferdselsføremål i fylkeskommunane betyr dårlegare vedlikehald av fylkesvegnettet, som igjen kan føre til fleire alvorlege ulykker i framtida. Statsråden bør være opptatt av trafikktrygging og faktisk kunne bidra med tiltak for å redusere anta dødsulykker på norske vegar, som sjølvsagt også då innbefattar fylkesvegane. Såleis er drifta, vedlikehaldet og standarden på fylkesvegnettet svært viktig for store delar av landets befolkning, og eg reknar med at dette også opptar regjeringa.