Begrunnelse

E-136 har vore prioritert på topp i Møre og Romsdal fylke i svært mange år. Dette prosjektet har også vore inne i fleire NTP prioriteringar, men har av ein eller anna grunn ikkje blitt gjennomført verken planlagt eller prosjektert av Statens vegvesen region midt.
Eg har ved fleire høver tidligare påpeika dette forholdet, og det er svært spesielt at det prosjektet som har vore prioritert på topp i fleire tiår, ikkje er kome lengre i planlegging og prosjektering en det som er fakta pr i dag.
No har Nye veier as fått denne strekninga i sin portefølje, og er godt igang med planlegging av fleire områder på E-136.
Likevel er det grunnlag for å sjå nærare på kva som faktisk har skjedd ang planlegging av prioriterte prosjekt i Statens vegvesen sin regi i Møre og Romsdal. Det kan ikkje være slik at Stortinget vedtek prioriteringar av prosjekt i NTP, medan Statens vegvesen region midt opptrer som ein "stat i staten" og gjer støtt det dei vil på eigen hand.
Prosjektet på E-39 ferjefri kryssing og Møreaksen har blitt prioritert på topp av Statens vegvesen region midt, sjølv om dette prosjektet har vore prioritert lågare enn E-136. Det kan sjå ut til at både planleggingsmidlane og personlege resursar innan Statens vegvesen region midt, har blitt flytta frå E-136 til Møreaksen i svært lang tid. Kven som har hatt myndigheita til dette og såleis har ansvaret for dette vil også være av stor interesse å kunne få brakt til overflata. Det må faktisk være slik at dei prosjekt som dei folkevalgte har prioritert på topp er også det som blir prioritert av Statens vegvesen som ikkje er i posisjon til å styre dette på eiga hand.