Skriftlig spørsmål fra Ingrid Fiskaa (SV) til forsvarsministeren

Dokument nr. 15:2356 (2022-2023)
Innlevert: 26.05.2023
Sendt: 30.05.2023
Besvart: 06.06.2023 av forsvarsminister Bjørn Arild Gram

Ingrid Fiskaa (SV)

Spørsmål

Ingrid Fiskaa (SV): Kva har regjeringa gjort for å forsikra seg om at det ikkje er atomvåpen om bord på hangarskipet Gerald R. Ford når det no seglar i norske farvatn, og har regjeringa kommunisert det norske synet om at Noreg skal vera ei atomvåpenfri sone i samband med besøket av hangarskipet?

Begrunnelse

Mange har uttrykt frykt for at det er atomvåpen om bord på USA sitt hangarskip Gerald R. Ford. Atomvåpen er ein vanleg del av våpenbehaldninga på amerikanske militære fartøy.

Bjørn Arild Gram (Sp)

Svar

Bjørn Arild Gram: Den såkalla anløpspolitikken er ein del av eit breiare sett føringar for utanlandsk militær aktivitet på norsk territorium i fredstid. Anløpspolitikken inneber at det blir lagt til grunn at utanlandske militære fartøy som anløper norsk territorialfarvatn eller hamn i fredstid er kjente med norsk atompolitikk og ikkje har med atomvåpen. Dette blei sagt av dåverande statsminister Bratteli i Stortinget i 1975, og derfor omtalt som «Bratteli-doktrinen». Denne politikken ligg framleis fast. Allierte land kjenner godt til Bratteli-doktrinen selv om det er mange år siden den blei formulert.
Vi må sjå Brattelis formulering i lys av at i medhald av internasjonal rett har utanlandske militære fartøy diplomatisk immunitet. Norske myndigheiter har derfor ikkje anledning til å kontrollere kva slike fartøy faktisk har om bord når dei anløper norsk territorialfarvatn.
Militære fartøy frå USA og andre allierte land anløper ofte norsk territorialfarvatn og norske hamner. Dette er ein sentral del av det sikkerheits- og forsvarspolitiske samarbeidet med nære allierte. Desse landa er i ulike samanhengar gjort kjent med anløpspolitikken og er såleis godt informerte om kva føringar som gjeld.
For øvrig blei det på spørsmål fra norsk journalist, i samband med at eit hangarskip deltok i øvinga Trident Juncture i 2018, fra amerikansk side vist til tidlegare beslutning om at den amerikanske marinens overflatefartøy og angrepsubåtar ikkje skal ha atomvåpen om bord.