Skriftlig spørsmål fra Hege Bae Nyholt (R) til barne- og familieministeren

Dokument nr. 15:2448 (2022-2023)
Innlevert: 05.06.2023
Sendt: 05.06.2023
Besvart: 12.06.2023 av barne- og familieminister Kjersti Toppe

Hege Bae Nyholt (R)

Spørsmål

Hege Bae Nyholt (R): Hvem har totalansvaret når det er så mange aktører involvert, og hva vil statsråden gjøre for å rydde opp og sikre at en tilsvarende feil ikke skjer igjen?

Begrunnelse

Offentligheten er i dag er i dag blitt kjent med et svært omfattende sikkerhetsbrudd i integrasjonen en lang rekke kommunale barnevernstjenester bruker opp mot IT-leverandøren Visma. Ifølge VG kan feilen ha ligget i systemet siden 2020. Feilen har resultert i at innsendte bekymringsmeldinger har blitt merket som behandlet og slettet fra systemet. Bergen kommune har identifisert 24 slike meldinger, og bekrefter at 21 av dem er forsvunnet.
Det kommunale barnevernet følger opp utsatte barn, samfunnets aller mest sårbare. Bekymringsmeldinger er inngangsporten til det store flertallet av tiltak, så vel statlige som kommunale. Samfunnet er helt avhengig av at systemene som skal ivareta informasjonen om disse barna fungerer og er etterrettelig.

Kjersti Toppe (Sp)

Svar

Kjersti Toppe: Det er avdekka ein alvorleg teknisk feil som gjeld overføring av bekymringsmeldingar mellom Nasjonal portal for bekymringsmeldingar og leverandørsystemet Familia, som Visma eig og som dei fleste kommunane i Noreg brukar. Feilen inneber at enkelte bekymringsmeldingar ikkje har komme fram til barneverntenesta. Feilen rammar fleire norske kommunar, men det totale omfanget er førebels ikkje kjent. Feilen har berre slått inn unntaksvis, slik at ikkje alle meldingar er ramma.
Barne-, ungdoms- og familiedirektoratet har no dialog med aktørane. Direktoratet opplyser at feilen ligg i Visma sitt system, og at Visma har gått ut og tatt ansvar for dette. Kommunane, i dialog med leverandørane, er ansvarlege for systema dei vel å ta i bruk, og for at desse er i samsvar med gjeldande regelverk og fungerer som dei skal.
Eg har vidare fått opplyst at Visma har retta feilen og at ny versjon av programvara er gjort tilgjengeleg for dei kommunane som nyttar Visma Familia. Kommunane må installere denne rettinga i driftsmiljøet sitt. Visma har òg laga ein informasjonspakke med rettleiing om kva kommunane må gjere. Dei stiller òg supportpersonell til disposisjon for å sikre at kommunane får nødvendig rettleiing.
Ifølgje Visma er det ikkje mogleg å finne igjen meldingar som er gått tapt dersom dei er eldre enn 14 dagar. Det vil dermed vere umogleg å finne tilbake tapte meldingar som er levert før midten av mai 2023. KS har, som systemeigar for den nasjonale portalen for varsling av bekymring til barnevernet, frå 2. juni 2023 mellombels endra denne praksisen. Dette skal gi kommunane høve til å få kontroll på situasjonen, og det vil vere mogleg å finne igjen bekymringsmeldingar som no blir levert.
Bufdir oppmodar kommunar som er ramma av feilen om å prøve å finne ut kva barn eventuelle tapte meldingar gjeld. Kommunane som har fått verifisert at meldingar er borte, blir oppmoda om å gå ut til publikum med informasjon om kva tidspunkt dette har skjedd, og be om at aktuelle bekymringar blir melde på nytt. Formålet er å sikre at barn som treng det, får den hjelpa dei skal ha. Bufdir har òg sendt ut eit brev til alle kommunane i landet, der dei ber om å få informasjon om omfang og andre forhold rundt den tekniske systemsvikten i kvar enkelt kommune, for så å samle dette i ei landsomfattande oversikt.
Saka er svært alvorleg, og eg er bekymra for kva konsekvensar dette kan ha hatt for sårbare barn og unge som treng vern og hjelp.
Eg har derfor gitt Bufdir i oppdrag å granske, der dei går gjennom årsaka til, omfang og konsekvensar av feilen, kva som må gjerast for å rette opp, korleis me kan lære av det som har skjedd og unngå at det skjer igjen. Eg har bede Bufdir om å samarbeide med Statens helsetilsyn ved gjennomføringa av oppdraget, og om å løyse oppdraget i dialog med relevante aktørar, inkludert KS, Datatilsynet og Digitaliseringsdirektoratet.
Eg følgjer saka tett, og vil vurdera behovet for fleire tiltak etter kvart som vi får meir informasjon om årsaka til og omfang og konsekvensar av feilen.