Skriftlig spørsmål fra Per-Willy Amundsen (FrP) til barne- og familieministeren

Dokument nr. 15:2898 (2022-2023)
Innlevert: 16.08.2023
Sendt: 16.08.2023
Besvart: 23.08.2023 av barne- og familieminister Kjersti Toppe

Per-Willy Amundsen (FrP)

Spørsmål

Per-Willy Amundsen (FrP): Hva er status for fremdriften i gjennomføringen av stortingsvedtak nr. 444 som ble vedtatt av Stortinget den 18.12.20?

Begrunnelse

Det vises til Fremskrittspartiets representantforslag om tiltak mot ungdoms- og gjengkriminalitet, jf. Dokument 8:115 S (2019-2020), Innst. 147 S (2020-2021). Det ble votert i saken den 18.12.20, hvor et flertall bestående av Fremskrittspartiet, Senterpartiet, Høyre, Venstre og Kristelig Folkeparti fattet følgende vedtak:

«Stortinget ber regjeringen sørge for at det opprettes egnede institusjoner i barnevernet som kan gjennomføre bestemmelsene etter paragraf 4–24 i barnevernloven om plassering og tilbakehold i opptil tolv måneder uten eget samtykke, eller samtykke fra den som har foreldreansvaret for barnet.»

Den siste tids negative utvikling i ungdomskriminaliteten har gitt denne tematikken ny aktualitet. Senterpartiet har siden høsten 2021 hatt ansvarlig statsråd og styrt Barne- og familiedepartementet. Spørsmålsstiller ønsker derfor en tilbakemelding på status for fremdriften i gjennomføringen av stortingsvedtak nr. 444.

Kjersti Toppe (Sp)

Svar

Kjersti Toppe: Oppmodningsvedtak 444, 18. desember 2020 vart avslutta ved Stortingets handsaming av Prop. 1 S (2021-2022), den 14. desember 2021, jf. Innst. 14 S (2021-2022) og vedtak 71.
Det står følgande i den aktuelle proposisjonen til Stortinget:

«Vedtaket blei gjort i samband med handsaminga av eit representantforslag om tiltak mot ungdoms- og gjengkriminalitet, jf. Dok. 8:115 S (2019–2020) og Innst. 147 S (2020–2021).
Det følgjer av barnevernlova § 4-24 at eit barn som har vist alvorlege åtferdsvanskar, kan plasserast i institusjon utan samtykke i opptil 12 månader. Plasseringar etter § 4-24 blir gjorde i statlege eller private behandlingsinstitusjonar som er lagde til rette for desse målgruppene: alvorlege åtferdsvanskar og høg risiko for vidare problemutvikling, alvorlege åtferdsvanskar og låg risiko for vidare problemutvikling eller alvorleg eller vedvarande rusmisbruk. Vedtak om ei slik plassering kan berre treffast dersom andre, mildare tiltak ikkje er tilstrekkelege. Vidare må institusjonen som er føreslått, vere fagleg og materielt i stand til å tilby tilfredsstillande hjelp til barnet, sett opp mot føremålet med plasseringa og om plasseringa er til det beste for barnet. Plasseringstida kan i særlege tilfelle forlengjast med opptil 12 nye månader utan samtykke.
Føresegna i § 4-24 blir gjennomført innanfor det eksisterande institusjonstilbodet. Departementet viser samstundes til at Prop. 133 L (2020–2021) inneheld ei skildring av dagens institusjonstilbod, utviklingstrekk og utfordringar på området. Departementet og Barne-, ungdoms- og familieetaten arbeider systematisk og målretta med å auke kvaliteten i institusjonstilbodet i barnevernet. Det er mellom anna lovfesta krav til at nytilsette skal ha relevant bachelorgrad, og at leiaren skal ha barnevernsfagleg eller annan relevant mastergrad. Krav om relevant bachelorgrad for nytilsette trer i kraft i 2022. Masterkravet for leiarar og fungerande leiarar gjeld frå 2022, med ei overgangsordning fram til 2031.
For at alle institusjonar skal jobbe systematisk og fagleg godt med å vareta dei grunnleggjande behova og rettane til alle barn i barnevernsinstitusjonar, er det innført eit standardisert forløp i alle statlege, private og kommunale institusjonar. I tillegg er det implementert eigne forløp for statlege akutt-, omsorgs- og behandlingsinstitusjonar. Tilsvarande forløp for alle kommersielle og ideelle aktørar vil vere innførte i løpet av 2022.
Departementet varsla vidare i Prop. 133 L (2020–2021) ein heilskapleg gjennomgang av regelverket om tvang på institusjon. Departementet vil i samanheng med denne gjennomgangen vurdere forslag frå Bufdir til endringar i regelverk og rammer i institusjonstilbodet til unge med store og komplekse utfordringar. Departementet vil sørgje for ein grundig og open prosess der relevante aktørar blir involverte i arbeidet. I tillegg skal Barnevernsutvalet vurdere korleis tilbodet til dei barna som treng mest oppfølging, bør innrettast.
På denne bakgrunnen reknar departementet vedtaket som følgt opp.»

Eg vil leggja til at regjeringa 22. juni 2022 utnemnde eit eige barnevernsinstitusjonsutval. Utvalet skal greia ut institusjonsbarnevernet og gi tydelege forslag til endringar som gjer at barn som i dag blir flytta til institusjon, får betre hjelp. Utvalet skal gi utgreiinga i form av ein NOU med endelege tilrådingar i oktober 2023. Som nemnd i Prop. 1 S (2021-2022) varsla Barne- og familiedepartementet i Prop. 133 L (2020-2021) ein gjennomgang av reglane for rettar og inngrep på barnevernsinstitusjon. Departementet vil vurdere behov for endringar i regelverket i forbindelse med den varsla kvalitetsreforma i barnevernet.