Skriftlig spørsmål fra Silje Hjemdal (FrP) til barne- og familieministeren

Dokument nr. 15:114 (2023-2024)
Innlevert: 13.10.2023
Sendt: 13.10.2023
Besvart: 26.10.2023 av barne- og familieminister Kjersti Toppe

Silje Hjemdal (FrP)

Spørsmål

Silje Hjemdal (FrP): Hvordan vil statsråden sikre at ingen flere barn dør i barnevernsinstitusjoner, og hvordan vil statsråden følge opp helsetilsynets anbefalinger?

Begrunnelse

Det ble i dag presentert en gjennomgang av saker der barn i barnevernsinstitusjon har mista livet. Rapporten er om et alvorlig problem, og viser at det dessverre dør barn som er i offentlige barnevernsinstitusjoner.
Barna er blant de svakeste og mest utsatte gruppene i samfunnet. Når det offentlige tar over omsorgen for dem er det soleklart at det må sikres at de får gode og trygge rammer, slik at alle dødsfall unngås. En del av disse barna har store og sammensatte problemer. Helsetilsynets direktør uttaler også at «dette dreier seg om det velferdsstaten ikke greide.» Med andre ord en fallitterklæring som statsråden bør ta på alvor.
Det er en tragedie at norske barn mister livet under barnevernets omsorg. Regjeringen har et overordnet ansvar for å sikre at barnas rettigheter oppfylles og at psykisk helse tas på alvor. Barn under offentlig omsorg må få hjertevarme, og vi må forvente at barna er trygge. Dessverre har vi den siste tiden sett en rekke avsløringer som tyder på at vi har et systematisk samfunnsproblem der barn i vanskelige situasjoner og under offentlig omsorg ikke får de rettighetene de har krav på.
Statsråden bør allerede nå ha en klar oppfatning av strakstiltak, da vi ikke har et eneste barn å miste. Så får heller de mer langsiktige tiltakene komme etter hvert.

Kjersti Toppe (Sp)

Svar

Kjersti Toppe: Rapporten frå Helsetilsynet om gjennomgang av saker der barn i barnevernsinstitusjon har mista livet dei siste 5 åra, er alvorleg. Eg gav Helsetilsynet i oppdrag å gjennomgå dødsfall i barnevernsinstitusjonar i mars 2023. Formålet var å sjå dei alvorlege hendingane i samanheng for å avdekke eventuell svikt og bidra til læring, utvikling og kvalitet i tenestene. Rapporten omfattar åtte jenter med store og samansette utfordringar som mista livet då dei var i barnevernsinstitusjon. Det er djupt tragisk.
Rapporten viser at vi ikkje har klart å vareta desse barna godt nok, og at tenestene har svikta i å gi barna det tilbodet dei hadde behov for. Samarbeidet mellom tenestene har ikkje vore godt nok. Helsetenestene var ikkje utforma med tanke på unge med komplekse utfordringar, og mange flyttingar i barnevernet har og gjort dette vanskelegare. Det var manglande kontinuitet i det psykiske helsetibodet. Det var også manglande samsvar mellom deira behov og barnevernstiltaket som blei valde. Rapporten viser også at tilsynet ikkje var godt nok koordinert. Helsetilsynet kjem i rapporten med fleire tilrådingar og læringspunkt, mellom anna om samarbeid og samordning i tenestene og behov for styrka psykisk helsehjelp. Det blir òg tilrådd å innføre ei plikt til å varsle statsforvalter ved dødsfall.
Departementet mitt vil no saman med Barne-, ungdoms- og familiedirektoratet (Bufdir), gå grundig inn i rapporten og så raskt som mogleg vurdere tilrådingane frå Helsetilsynet. Rapporten og tilrådingane vil bli sett i samanheng med rapporten frå barnevernsinstitusjonsutvalet, som vart motteken av meg og helse- og omsorgsministeren i dag, 26. oktober. Begge rapportane vil bli tatt med i regjeringa sitt vidare arbeid for å forbetre barnevernet, styrke barns rettstryggleik og redusere risikoen for alvorlege hendingar.
Tilsynsarbeidet skal forbetrast med tanke på læring. Helsetilsynet har fått i oppdrag å samanfatte og gi ei systematisk oversikt over funn frå gjennomførte tilsynsaktivitetar i barnevernet. Dei skal årleg analysere tilsynserfaringar og gje deira vurderingar av alvorlege tilsynsfunn. Tilsynet er særleg bedt om å gå gjennom dei mest alvorlege hendingane med ei tverrfagleg tilnærming, og gje råd om korleis dette kan bidra til betring og kvalitetsutvikling i barnevernet.
Regjeringa vil også etablere ein undersøkingskommisjon for saker som gjeld vald, overgrep eller grov omsorgssvikt mot barn. Hovudføremålet vil være å avdekkje svikt i tenesteapparatet, bidra til at avdekte feil fører til læring og risikoreduserande tiltak, styrkje det førebyggjande arbeidet og betre samarbeidet på tvers av sektorane.
Regjeringa har i 2022 og 2023 fått Stortinget sin tilslutning til å tildele midlar til ei gradvis oppbygging av tverrfaglege team som kartlegg den psykiske og somatiske helsa til barn som flyttar ut av heimen. Formålet med tiltaket er at behovet til barna for helsehjelp i større grad blir avdekt, og at barnevernet får tilstrekkeleg informasjon om barnet til å kunne gi god og heilskapleg hjelp og omsorg.
Eg vil på eigna vis kome attende til Stortinget om vidare oppfølging av rapporten og arbeidet med å forebygge alvorlege hendingar, og forbetre og fornye institusjonsbarnevernet.