Skriftlig spørsmål fra Frank Edvard Sve (FrP) til samferdselsministeren

Spørsmål

Frank Edvard Sve (FrP): Kan samferdselsministeren leggje fram ei oversikt over dei samfunnsmessige konsekvensane og kostnadane med bakgrunn i manglande vintervedlikehold og beredskap jamf. trafikkaoset på austlandet dei siste dagane, og samtidig ein rapport over konsekvensane dette hare eller kan få for blålysetatane si drift?

Begrunnelse

Dei siste daganes kaos i trafikken på austlandet med stengde vegar i timesvis, ja snart heile dagen, fører dette åpenbart til svært store konsekvensar for samfunnet. Dette er dessverre noko som oppstår alt for ofte, og dette medfører store kostnadar for alt av næringsliv samt samfunnet forøvrig. Dette har sjølvsagt også svært store konsekvensar for "blålysetatane" som heller ikkje kjem seg fram på vegnettet for sjuketransport, brann ol.

Svar

Jon-Ivar Nygård: Framkomst for naudetatane er viktig. Vegtrafikksentralen har ikkje registrert at naudetatane ikkje kom fram på naudsynte oppdrag i førre veke. Det var utfordrande å få kontakt med og få fram tungbilbergarar. Det gjorde at det tok tid å få løyst utfordringane med køyretøy som stod fast. Statens vegvesen vil sjå vidare på dette og involvere aktuelle etatar om det er naudsynt. Moglege tiltak vil også vere positive for naudetatanes framkomst.
Under større hendingar arrangerer Statens vegvesen ved Vegtrafikksentralane samordningsmøter med mellom anna aktuelle vegeigarar og politiet. Dette gjer at ein får ei felles forståing for situasjonen og at ein kan prioritere riktig. Naudetatane har eit særleg behov for å kunne nytte vegane også ved større hendingar. Mellom anna ekstremvêra Hans og Gyda har vist at slike samordningsmøter gjer at Statens vegvesen kan støtte behova naudetatane og andre samfunnskritiske funksjonar har på ein betre måte enn det som elles hadde vore mogleg.
Statens vegvesen legg standardane i handbok R610 Drift og vedlikehald til grunn for arbeid på riksvegane. I forkant av førre revisjon av standard for drift og vedlikehald var det gjennomført samfunnsøkonomiske analyser av ulike nivå for dekkevedlikehald og vinterdrift. For vinterdrift var det sett på samanheng mellom føreforhold og trafikktryggleik, føreforhold og framkomst (tidskostnadar), føreforhold og køyretøykostnadar og kostnadar for vegeigar ved ulike innsatsnivå. Statens vegvesen vedtok ut frå dette å gjere ei generell heving av vinterstandarden. Som følgje av dette er høgare krav til entreprenør teke inn i alle aktuelle driftskontraktar. Både friksjonskrav, krav til innsats og bruk av bar veg var auka.
Statens vegvesen sin foreløpige vurdering er at situasjonen dei aktuelle dagane i førre veke i stor grad kom av for dårleg utrustning på bilane. Fleire bilar var ikkje skodd for vinterføre. Det er dessverre noko ein opplever ofte ved det første snøfallet. Eg har bede etaten om å gjere ein gjennomgang av hendingane.

Stortinget.no

Skriftlig spørsmål fra Frank Edvard Sve (FrP) til samferdselsministeren

Spørsmål

Begrunnelse

Svar