Olve Grotle (H): Kva er status for søknaden om godkjenning av programfaget, klima- og miljøfag, og kva vil statsråden gjere for å sikre ei snarleg avklaring på søknaden?
Begrunnelse
Firda vidaregåande skule har i fleire år gjennomført forsøk med programfaget, klima- og miljøfag. Vestland fylkeskommune har søkt om å få godkjent faget som eit offisielt programfag. Denne godkjenninga har lege til behandling i Utdanningsdirektoratet i fleire år.
I eit svarbrev frå Udir skuleåret 2022-23, står det mellom anna:
«Det er ennå ikke avgjort om programfagene Klima- og miljøfag 1 og 2 vil inngå som en ordinær del av tilbudsstrukturen. Vi har derfor forståelse for at fylkeskommunen har behov for å videreføre forsøket inntil dette er avgjort, og vi vurderer at det er uheldig om skolen må avslutte tilbudet med Klima - og miljøfag før vurderingen av om dette er fag som skal bli permanent tilbud, er tatt. Det kan også få uheldige konsekvenser for kompetanse som skolen har knyttet til seg.»
Det er uheldig for skulen og fylkeskommunen at ein ikkje har fått ei avklaring.