Begrunnelse

"Fagetaten" framstiller Statens vegvesen seg sjølv som.
Statens vegvesen har kome med så kalla "faglig tilråding" for ny NTP.
I Møre og Romsdal har eit samla næringsliv, alle organisasjonar, alle kommunar, heile fylkestinget samla seg ikring prioritering av "Exportvegen" E-136 frå Ålesund til Bjorli.
I tillegg er den mest ulykkesutsatte vegstrekninga E-39 frå Veibust-Blindheim til Moa, med over 22 000 bilar i Norges mest trafikkerte et løps tunell, også prioritert svært høgt av alle i fylket.
Likevel presterer utbyggingsdirektøren i Statens vegvesen på vegner av den så kalla "fagetaten", å foreslå å ta heilt ut av NTP dei neste 12 åra strekninga på E-136 mellom Moa og Vestnes, den mest trafikkerte strekninga på Exportvegen E-136.
I staden klarer Statens vegvesen å prioritere Møreaksen, eit prosjekt som folket i fylket ikkje vil ha og som med sine svimlande 30-40 milliard kr framstår som eit av dei mest meiningslause sløserivegprosjekt landet nokon gong har sett.
"Heile" 2 292 bilar ferdast over Romsdalsfjorden pr. dag, og ikkje i manns minne har det skjedd ei einaste ulykke på denne strekninga, som i dag er med ferjer.
"Muligens nokon som har klamra fingrane i bildøra eller noko slikt".
Den så kalla "fagetaten" ser altså totalt vekk frå "dødsvegen" i denne regionen som er E-39 Veibust-Blindheim til Moa, med fleire dødsulykker og alvorlige ulykker dei siste åra, likeså E-136 frå Ålesund til Bjorli er også sterkt ulykkesutsatt. "Fagetaten" berre står og ser på ulykkesvegane, og misbruker betegnelsen "fagetat" grovt.
Kva fagleg begrunnelse Statens vegvesen har for å foreslå E-136 heilt ut av NTP, er ikkje berre kompetanselaust, men direkte eit kraftig angrep på demokratiet. Statens vegvesen i denne regionen framstår som ein "stat i staten" som bryr seg null om kva innbyggjarane, næringslivet eller eit samla politisk miljø måtte meine, nei her er prestisje viktigare.