Skriftlig spørsmål fra Ingrid Fiskaa (SV) til forsvarsministeren

Spørsmål

Ingrid Fiskaa (SV): I kva grad har Noreg forplikta seg gjennom samarbeidet European Sky Shield Initiative, og er Noreg involvert i kjøp av Arrow 3 frå Israel?

Begrunnelse

17 NATO-land, mellom dei Noreg, har inngått forpliktande samarbeid om å kjøpa luftvernsystem, det såkalla European Sky Shield Initiative. Tyskland er leiar for arbeidet.
Nå er det klart at Tyskland går for å kjøpa israelske Arrow 3, produsert av Israel Aerospace Industries (IAI) i samarbeid med Boeing.
Dette er den største eksportavtalen som eit israelsk firma har inngått nokon gong. Tyskland har inngått avtalen og vedtatt førehandsfinansiering. Totalt er avtalen på nær 4 milliardar euro, og førehandsbetalinga er på 560 millionar euro.
IAI – Israel Aerospace Industries – er ein heleigd, statleg våpenprodusent og er Israels største produsent av militærfly, droner, missil med meir. Dei produserer mellom anna dronene som nå blir brukt til å bomba sivile i Gaza.

Svar

Bjørn Arild Gram: Krigen i Ukraina har aktualisert behovet for luftvern. Mangel på forsvarssystem mot ulike lufttruslar, blant anna missil er ei utfordring for NATO og for Noreg. På forsvarsministermøtet i NATO 13. oktober 2022 signerte Noreg ein intensjonsavtale om å delta i eit nytt tysk initiativ, European Sky Shield Initiative (ESSI), med målsetjing om raskt å styrkja alliert luftvernskapasitet i Europa. Noreg støttar dette initiativet fordi det vil auka den samla evna alliansen har til å forsvara seg mot lufttruslar.
Initiativet har fleire fasar der det første steget var ein intensjonsavtale, eit «Letter of Intent», som ikkje inneber nokon juridiske eller økonomiske forpliktingar, men synar støtte til et felles europeisk luftverninitiativ. Tyske styresmakter har òg invitert til å signera eit rammeverk som gjer det mogleg med felles innkjøp mellom landa i form av eit «Memorandum of Understanding». Rammeverket har ingen konkretiseringar knytt til kva våpensystem som skal skaffast, men det gir deltakarane moglegheit for å delta på innkjøp andre land gjennomfører. Gjennom initiativet er det mogleg å delta i felles kjøp av luftvern med kort, middels og lang rekkevidde. Norske styresmakter har førebels ikkje signert denne avtalen.
Luftvern er ein av dei sentrale spørsmåla som vil bli handsame i det pågåande arbeidet med ny langtidsplan for forsvarssektoren og det er også naudsynt å foreta ein nærmare vurdering av korleis ESSI opnar opp for integrasjonsmoglegheiter for fleire ulike luftvernsystem, til dømes NASAMS.
Noreg har utvikla og opererer luftvernsystemet NASAMS og vår deltaking i det tyske initiativet kan bidra til å leggja til rette for at NASAMS blir med i det vidare arbeidet med et styrkja europeisk luftvern.
Noreg er ikkje involverte i innkjøpet av Arrow 3 frå Israel.

Stortinget.no

Skriftlig spørsmål fra Ingrid Fiskaa (SV) til forsvarsministeren

Spørsmål

Begrunnelse

Svar