Begrunnelse

Det er kome opplysningar frå Statens vegvesen at det er fleire prosjekter i landet der Statens vegvesen praktiserar såkalla "referansegrupper", og dette gjer meg svært betenkt og bekymra med bakgrunn i mangelen på demokratiske prosessar.
I referansegruppen til Møreaksen er der teke med alt frå kommunar, private aksjeselskap, lobbygrupper, og kun dei som er for dette prosjektet og som framsnakkar Statens vegvesen si roller og synspunkt i saker som faktisk ikkje endeleg er vedteke av Stortinget.
Enda verre er dette når til dømes Møreaksen saka er svært betent der stor delar av befolkninga i Møre og Romsdal slett ikkje vil ha dette prosjektet, og dei som er imot dette sløseriprosjekt rett og slett ikkje får arenaer for å kunne bli hørt.
Det må i denne samanhengen problematiserast sterkt habiliteten til Statens vegvesen som også skal legge fram si tilråding til vegdirektøren og vidare til regjering i ulike saker slik som til dømes NTP.
Det blir svært uryddig og udemokratisk når kun den "eine sida" av slike saker blir løfta fram og "dyrka" der folket eller andre aksjonsgrupper, selskap eller kommunar med andre konkurrerandes prosjekt ikkje får delta i slike "referansegrupper".
At skattebetalarane sine pengar kan bli brukt til at Statens vegvesen kan holde på slik som ein "stat i staten" og får hjelp av lobbygrupper og partsgrupper for enkeltprosjekt som Statens vegvesen brenn for, er sterkt kritikkverdig. Enda verre er det at desse referansegruppene blir brukt for å skape blest og lobbe inn mot både sin eigen vegdirektør, regjering og Storting samt anna politisk leiing, noko som mildt sagt er svært tvilsamt og kan umogeleg vere i tråd med habilitetsregelverket.
Referat frå desse møta er heller ikkje offentlege, og det meste ikring denne måten å jobbe på framstår meir eller mindre som eit lukka "kartell".