Frank Edvard Sve (FrP): Kan samferdselsministeren forklare rasjonale ved at all offentlig transport og offentlig innkjøp av bilar, varebilar og buss med krav om elektrifisering som i realiteten er omtalt som nullutslipp, i det heile tatt er vurdert med tanke på realisme, konsekvens ang. straumkapasitet, ladekapasitet, linjekapasitet, og kva mengder straum som behøves til dette, eller korleis dette i all verdens rike kan vere beredskapsmessig forsvarleg for Norge i krise eller krig?
Begrunnelse
Regjeringa har i vedtak i 2022 kravd at alle bilar i offentlig innkjøp skal vere nullutslipp.
Regjeringa har i vedtak i 2023 kravd at alle varebilar i offentlige innkjøp skal også vere nullutslipp.
Regjeringa har no prestert i 2024 å gjere vedtak om at alle bussar i offentlige innkjøp skal vere nullutslipp.
I tillegge er tog, trikk også elektrifisert, samt at det er krav også gjeldande anbud og drift av samferdselsprosjekt, med ulike krav om elektrifisering av delar av denne drifta.
Ved kriser og beredskapssituasjoner er der sjølvsagt planar for å kunne evakuere befolkning frå til dømes dei større byane til forhåndsbestemte områder, som sjølvsagt er i avstand slik at el bussar ikkje håndterar dette, like lite som strømnett samt kapasitet for strøm er svært sårbart i kriser og eventuelt i ein krigssituasjon.
Når det ukritisk vert gjort vedtak om elektrifisering av store delar av Norsk infrastruktur også kritisk infrastruktur, er det bemerkelsesverdig at dette ikkje er gjennomført etter betydelige konsekvensutgreiinger, og sårbarhetsvurderinger beredskapsmessig er vurdert.
Det er ei kjensgjerning at det overhode ikkje er mulig å kunne framskaffe nok elektrisk kraft samt nødvendig linjenett i dette landet for å takle dei vedtekne krava om elektrifisering av samfunnets sin infrastruktur.
Det er slik det ser ut overhode ikkje vilje til å ta inn over seg i regjeringa disse utfordringane, sjølv om ein denne vinteren i store delar av landet har opplevd betydelige problem med elektrifisering av viktig infrastruktur samt problem med kapasitet av både straum og linjenett.
Når krava til anskaffelsar også for infrastrukturbygging samt det meste anna i offentlig regi er lagt inn aldeles meiningslause miljø og klimakrav, blir det meste ikring dette "grønne skiftet" ein svært dårlig parodi.
Dei to orda "GRØNT SKIFTE" burde egentlig av Stortinget blitt totalforbudt, då det på ingen måte verken er realistiske eller beredskapsmessig forsvarleg å legge opp til at all offentlig tjenesteproduksjon innen infrastruktur, kollektivtransport, offentlig transport, anbudsprosesser og det meste anna, der "GRØN SKIFTE" skal styre absolutt alt.
"Har ingen lært av den brotne geværs politikk" nå ein skal elektrifisere all infrastruktur, som er beredskapsmessig forkastelig.