Begrunnelse

Ferjeavløysingsordninga for fylkesvegferjer er ei god ordning for både fylkeskommunar og staten der ein ute i distrikta kan få avlutta statlege tilskot til ferjesamband mot at fylkeskommunen byggjer ei bru, veg eller tunell for å erstatte ferja i sambandet. Slik ferjeavløysing er breitt politisk forankra både lokalt, regionalt og nasjonalt og vert sett på som viktig forbetring av infrastrukturen i distrikta.
Dessverre har finansieringa som kjem etterskotsvis påkrevd store låneopptak av fylkeskommunen og med ei rentebane som gjev høge avdrag dei første åra under bygging, før ferjetilskota kan nyttast til sjølve lånefinasieringa. Dette påvirkar også fylkeskommunane sine forpliktelsar gjennom låneopptak og garantiar.
Difor har Stortinget ved fleire høver dei siste åra anmoda dei sitjande regjeringane å forbedre ordninga, m.a. med ei rentekompensasjonsordning. For statsbudsjettet 2020 ba Stortinget regjeringa utvide ordninga til også å dekke inntil 50 prosent av rentekostnadane innafor ordninga. Dette vart fulgt opp med reviderte retningsliner datert 07.10.2020 der det i pkt. 5.4. heiter:
Årleg beløp med ferjeavløysingsmidlar blir betalt ut til ein når dei nominelle byggjekostnadane og inntil 50 % av berekna rentekostnader, men ikkje lenger enn i maksimalt 45 år. Meirverdikompensasjon og eventuelle finansieringsbidrag frå bompengar blir trekt frå byggjekostnadane i berekninga av rentekostnader og lengda på utbetalingsperioden.
I kommuneproposisjonen for 2021 ba Stortinget om ei ytterlegare forbetring om kompensasjon for renteutgiftene forskotsvis og ikkje berre etterskotsvis.

«Stortinget ber om at det legges fram en egen tilskuddsordning som kan avhjelpe rentekostnadene de første årene etter at prosjektet er ferdigstilt. Stortinget ber regjeringen om å komme tilbake med endringsforslagene i framlegget til statsbudsjett for 2021.»