Spørsmål
Olav Akselsen (A): Eit sentralt element i det norske mandatet i klimaforhandlingane er felles gjennomføring og handel med utsleppskvotar, slik at me kan få størst mogleg reduksjon i utsleppa av klimagassar til så lave kostnader som mogleg. 6. november 1997 kunne me lesa i Dagens Næringsliv at miljøvernministeren ville endra det norske forhandlingsmandatet, og at ho ønska å redusera høve til handel med utsleppskvotar. I Arbeiderbladet 10. november derimot er ho positiv til handel med kvotar.
Kva meiner eigentleg statsråden om dette?